निधी मंजूर‎:कर्जत-जामखेडमधील 45 गावांसाठी 5 कोटींचा निधी मंजूर‎

कर्जत-जामखेड मतदारसंघातील‎ विकास कामे मार्गी लावण्यासाठी‎ आमदार प्रा. राम शिंदे यांनी शासन‎ दरबारी सुरू केलेल्या पाठपुराव्याला‎ मोठे यश मिळाले. मतदारसंघासाठी ५‎ कोटी रुपयांच्या निधीस मंजुरी‎ मिळाली. तसा शासन निर्णय राज्याच्या‎ ग्रामविकास व पंचायत राज‎ विभागाकडून जारी करण्यात आला‎ आहे.‎ कर्जत तालुक्यातील ३० गावांसाठी‎ निधी मंजूर करण्यात आला.

यामध्ये‎ कोकणगाव येथे दशक्रिया विधी ओटा‎ बांधणे, चांदे बुद्रूक येथे संत‎ सावतामाळी मंदिर सभामंडप बांधणे,‎ खुरंगेवाडी येथे हनुमान मंदिर समोर‎ काँक्रीटीकरण, थेटेवाडी येथे‎ स्मशानभूमी, रवळगाव येथे‎ स्मशानभूमी सुशोभीकरण‎ काँक्रिटीकरण, चिंचोली रमजान येथे‎ माळेवाडी येथील काळुबाई मंदिर‎ सभामंडप बांधणे, कौडाणे येथे रस्ता‎ काँक्रिटीकरण, ताजू येथे घोड‎ कालव्यावर पूल बांधणे, करमणवाडी‎ येथे पावणेवस्ती येथे अंगणवाडी,‎ आखोणी येथे हनुमान मंदिर समोर‎ काँक्रीटीकरण, मलठण येथे सांस्कृतिक‎ सभागृह बांधणे, शेगुड येथे‎ काँक्रीटीकरण, सीतपूर येथे‎ काँक्रीटीकरण, जळगाव येथे भैरवनाथ‎ मंदिर काँक्रीटीकरण, नागलवाडी येथे‎ नागेश्वर मंदिराकडे जाणारा रस्ता‎ काँक्रिटीकरण, निंबोडी येथे‎ गावठाणमध्ये काँक्रीटीकरण, तरडगाव‎ येथे सभामंडप बांधणे, कुंभेफळ येथे‎ हनुमान मंदिर ते राजेश दोधाड वस्ती‎ सिमेंट काँक्रीटीकरण या गावांना‎ प्रत्येकी दहा लाख रुपये, धांडेवाडी येथे‎ बबन धांडे ते नलवडे वस्ती सिमेंट‎ काँक्रीटीकरण २० लाख रुपये,‎ आळसुंदे येथे गावठाणमध्ये‎ काँक्रिटीकरण करणे १० लाख रुपये,‎ वडगाव तनपुरा येथे भिवाई मंदिरासमोर‎ काँक्रिटीकरण, सुपा येथे‎ काँक्रीटीकरण, खंडाळा येथे‎ काँक्रीटीकरण, पठारवाडी येथे‎ काँक्रीटीकरण, शिंदेवाडी‎ काँक्रीटीकरण, भांबोरा येथे लक्ष्मीआई‎ मंदिर सभामंडप बांधणे या कामांसाठी‎ प्रत्येकी दहा लाख रुपये, बारडगाव‎ सुद्रिक येथे चौक सुशोभीकरण २५‎ लाख रुपये, नवसरवाडी येथे‎ काँक्रीटीकरण १० लाख रुपये, खातगाव‎ येथे ग्रामपंचायत कार्यालय बांधणे २०‎ लाख रुपये, बेनवडी येथे गावठाणमध्ये‎ काँक्रीटीकरण १५ लाख रुपये निधी‎ मंजूर करण्यात आला.‎

जामखेड तालुक्यातील १५ गावांतील‎ विकास कामांसाठी निधी मंजूर‎ करण्यात आला. यामध्ये अरणगाव‎ रस्ता काँक्रिटीकरण, डिसलेवाडी येथे‎ मारुती मंदिर सभामंडप, जवळा येथे‎ गोयकरवाडी येथे बिरोबा मंदिरासमोर‎ सभामंडप बांधणे, कुसडगाव येथे रस्ता‎ काँक्रीटीकरण, नागोबाचीवाडी‎ मुंगेवाडी येथे तुळजाभवानी मंदिरसमोर‎‎‎‎‎‎‎‎‎‎‎ सभामंडप बांधणे, पिंपळगाव आळवा‎ येथे स्मशानभूमी बांधकाम व‎ सुशोभीकरण, चोभेवाडी येथे‎ स्मशानभूमी संरक्षित भिंत बांधणे,‎ तरडगाव येथे वंजारवाडी येथे रस्ता‎ काँक्रीटीकरण, शिऊर येथे श्रीभैरवनाथ‎ मंदिर परिसर काँक्रीटीकरण, राजुरी येथे‎ रस्ता काँक्रीटीकरण, हाळगाव येथे‎‎‎‎‎‎‎‎‎‎‎ रस्ता काँक्रीटीकरण, नाहुली येथे‎ श्रीम्हसोबा मंदिर सभामंडप बांधणे,‎ नायगाव येथे म्हसोबा मंदिर समोर‎ काँक्रीटीकरण, सातेफळ येथे जि. प.‎ प्रा. शाळा खोली बांधणे, तरडगाव येथे‎ जि. प. प्रा. शाळा खोली बांधणे या‎ कामांसाठी प्रत्येकी १० लाख रुपयांचा‎ निधी मंजूर करण्यात आला.‎

कर्जतमधील ३०, तर जामखेडमधील १५ गावांना निधी‎ गावांतर्गत मुलभूत सुविधा निर्माण करण्यासाठी राबवण्यात येत असलेल्या मुलभूत‎ सुविधांच्या कामांचे विविध प्रस्ताव आमदार प्रा. राम शिंदे यांनी ग्रामविकास‎ विभागाकडे सादर केले होते. या कामांना ग्रामविकास विभागाकडून मंजुरी‎ मिळाली. कर्जत-जामखेड मतदारसंघातील ४५ गावांमधील विविध विकास कामे‎ मंजूर करण्यात आली. आमदार शिंदे यांनी सुरू केलेल्या पाठपुराव्याला मोठे यश‎ आले. कर्जतमधील ३०, तर जामखेडमधील पंधरा गावांना निधी मंजूर झाला आहे.‎