सामाजिक:महास्वच्छता अभियानामध्ये‎ 54 टन कचरा केला गोळा!‎

डॉ. नानासाहेब धर्माधिकारी प्रतिष्ठान,‎ रेवदंडा (ता. अलिबाग, जि. रायगड)‎ यांच्या वतीने डॉ. श्री नानासाहेब‎ धर्माधिकारी यांच्या जन्मशताब्दीनिमित्त‎ नगर शहरात बुधवारी (१ मार्च) सकाळी‎ ७ ते १० दरम्यान महास्वच्छता अभियान‎ राबवण्यात आले. त्यात कॉलेज युवक,‎ महानपालिका कर्मचारी, इतर संस्थेचे‎ पदाधिकाऱ्यांसह डॉ. नानासाहेब‎ धर्माधिकारी प्रतिष्ठानच्या सुमारे एक‎ हजार श्री सदस्यांनी एकूण ५४ टन कचरा‎ गोळा केला.‎ शहरातील डीएसपी चौकातून‎ महास्वच्छता अभियानाला सुरुवात झाली.‎ मनपाचे सामान्य प्रशासन उपायुक्त‎ श्रीनिवास कुरे, पोलिस अधीक्षक‎ कार्यालयाचे पोलीस निरीक्षक बाळासाहेब‎ मरकड, नगरसेवक बाळासाहेब पवार,‎ निखील वारे, सहायक फौजदार एस. एम.‎ अडसूळ आदी यावेळी उपस्थित होते.‎

स्वच्छता अभियानासाठी आवश्यक‎ कुदळ, खोरे, घमेले, खराटा हातात घेऊन‎ श्री सदस्यांनी स्वच्छता केली. डॉ.‎‎‎‎‎‎‎‎‎‎‎‎‎‎‎‎ नानासाहेब धर्माधिकारी प्रतिष्ठानचा बॅनर‎ व मास्क व हॅण्ड ग्लोज घातलेले श्री‎ सदस्य सर्वांचे आकर्षण ठरले.‎ महास्वच्छता अभियानाचा समारोप पुणे‎ एसटी स्टँड प्रांगणात करण्यात आला. या‎ वेळी महापौर रोहिणी शेंडगे, उपमहापौर‎ गणेश भोसले, मनपा आयुक्त पंकज‎ जावळे, राज्य परिवहन महामंडळाच्या‎ विभाग नियंत्रक मनिषा सपकाळ,‎ तारकपूर एसटी डेपोचे आगार‎‎‎‎‎‎‎‎‎‎‎‎‎‎‎‎ व्यवस्थापक अभिजीत आघाव, एटीएस‎ विठ्ठल कंगारकर, डीटीओ अनिल भिसे,‎ यंत्र अभियंता मुकुंद नगराळे, वाहतूक‎ निरीक्षक सुरेंद्र कंठाळे, नगरसेवक‎ बाळासाहेब बोऱ्हाटे, नगरसेवक विजय‎ पठारे, नगरसेवक अमोल येवले, पुणे‎ एसटी स्टँडचे वाहतूक नियंत्रक अतुल‎ लोंढे आदी उपस्थित होते. उपस्थितांचा‎ धर्माधिकारी प्रतिष्ठानतर्फे सत्कार‎ करण्यात आला. प्रतिष्ठानच्या व्यापक व‎‎‎‎‎‎‎‎‎‎‎‎‎‎‎‎‎‎‎‎‎ गिनिज बुकात नोंद झालेल्या कार्याचे‎ उपस्थित मान्यवरांनी कौतुक करत डॉ.‎ नानासाहेब धर्माधिकारी प्रतिष्ठानचे कार्य‎ समाज उद्धारासाठी असल्याचे गौरवोदगार‎ काढले.‎

घंटागाडी, ट्रॅक्टरच्या ५१ खेपा‎
नगर शहरातील विविध परिसरात‎ शिस्तबद्ध पद्धतीने एकाग्र होऊन सुमारे‎ एक हजार श्री सदस्यांनी स्वच्छता‎ अभियान राबविले. या अभियानामध्ये‎ महापालिकेचे सुमारे २५० कर्मचारी,‎ आम आदमी पार्टीचे ५० कार्यकर्ते,‎ इंजिनिअरिंग कॉलेज, तसेच एनसीसी‎ विद्यार्थी, राष्ट्रीय सेवा योजनाचे विद्यार्थी,‎ सामाजिक संस्थांचे पदाधिकारी, असे‎ एकूण ४६० जणांनी महास्वच्छता‎ अभियानात सहभाग नोंदवला.‎ महापालिकेच्या वतीने कचरा संकलित‎ करण्यासाठी घंटागाडी, ट्रॅक्टरद्वारे ५१‎ खेपा करण्यात आल्या. या मोहिमेत‎ तब्बल ५४ टन कचरा गोळा करण्यात‎ आला.‎