भाविकांची मोठी गर्दी‎:भागवत दीपोत्सवात 950 समयांचा सहभाग‎

शहराचे ग्रामदैवत‎ श्रीमोहिनीराज महाराज यात्रोत्सवाचे‎ भागवत दीपोत्सवामध्ये विक्रमी‎ साडेनऊशे समयांचा सहभाग होता.‎ श्रीविष्णूच्या मोहिनी अवताराचे‎ जगातील एकमेव मंदिर नेवासे येथे‎ आहे. हे देवस्थान कुलदैवत म्हणून‎ जगभरातून भाविक‎ माहीपौर्णिमेदरम्यान यात्रेच्या दरम्यान‎ दर्शनासाठी येत असतात.‎ रथसप्तमीपासून पंधरा दिवस‎ चालत असलेल्या या यात्रा‎ महोत्सवामध्ये सर्वात प्रथम‎ मोहिनीराज देवासमोर भागवत कथा‎ व निरूपण होत असते.

या दरम्यान‎ भागवताच्या व्यासपीठापासून‎ देवाच्या मुख्य गाभाऱ्यापर्यंत दुतर्फा‎ आठ दिवस शेकडो समया अखंड‎ तेवत असतात. यावर्षी विक्रमी‎ संख्येने समया लावण्यात आलेले‎ आहेत. परिसरातील प्रत्येक‎ कुटुंबातून एक समयी आणून‎‎‎‎‎‎‎‎‎‎‎‎‎‎‎‎‎‎‎‎‎‎ गाभाऱ्यामध्ये ठेवली जाते. भागवत‎ पारायण संपूर्ण होईपर्यंत या समया‎ येणाऱ्या प्रत्येक भाविक पेटत्या‎‎‎‎‎‎‎‎‎‎‎‎‎‎‎‎‎‎‎‎‎‎ ठेवण्याचा उपक्रम करीत असतो.‎

येणारा प्रत्येक भाविक या‎ समयांमध्ये तेलही घालत असतो.‎ २८ जानेवारीपासून ४ फेब्रुवारीपर्यंत‎ सदरच्या समया देवाचे गाभारा‎ उजळत होत्या. यावर्षी ललिता देवी‎ संस्थानचे धनंजय महाराज यांच्या‎ भागवताचा लाभ नेवासकरांना‎ मिळाला. सकाळी मंदिरामध्ये‎ संहिता वाचन होत असे व दुपारी‎ मंदिरासमोरच्या भव्य मंडपामध्ये‎ भागवत निरूपण होत असे.‎ यात्रा महोत्सवाचा हा टप्पा‎ संपल्यानंतर रविवारी रात्री मोहिनी‎ माय देवीचा भळंदाचा कार्यक्रम‎ होणार आहे. सकाळी सामुदायिक‎ गीतापठण आणि विष्णुसहस्रनामाचे‎ वाचन होणार आहे. रात्री चंद्रोदय‎ होताच पेटते पलिते व माठाच्या मध्ये‎ असलेल्या पेटते निखाऱ्यासह‎ वडाळा महादेव येथील देवीभक्त‎ रेवणनाथ महाराज हे पारंपरिक‎ भळंद खेळणार आहेत. देवीचा‎ जागर करणार आहेत. रात्री सदरचा‎ कार्यक्रम पाहण्यासाठी‎ पंचक्रोशीतील शेकडो भाविक गर्दी‎ करत असतात.‎