प्रतिक्रिया:वास्तवाचे भान ठेवून‎ विकासाकडे नेणारा‎ अर्थसंकल्प ; सीए पितळे‎

जागतिक परिस्थिती व‎ अर्थकारणाचे तसेच देशांतर्गत‎ वास्तवाचे भान ठेवून कोठे वाहून न‎ जाता केंद्रीय अर्थमंत्री निर्मला‎ सीतारामन यांनी सादर केलेल्या‎ अर्थसंकल्पाचे स्वागत. वास्तवाचे‎ भान ठेवून विकासाकडे नेणारा हा‎ अर्थसंकल्प आहे, असे प्रतिक्रिया‎ सीए अशोक पितळे यांनी‎ दिली. सीए पितळे म्हणाले,‎ भांडवली गुंतवणूक दहा लाख कोटी‎ तसेच रेल्वे, वाहतुकीचे वेगवेगळे‎ प्रकल्प नवीन विमानतळे, बंदरे‎ यांच्या निर्मितीसाठी देखील मोठी‎ तरतूद करून अर्थमंत्री रोजगार‎ निर्मिती व सर्वसमावेशक आर्थिक‎ विकास साधण्याच्या उद्देशाकडे झेप‎ घेतली आहे.

नवीन आयकर प्रणाली‎ प्रमाणे ७ लाख पर्यंतच्या उत्पन्नावर‎ कोणताही आयकर भरावा लागणार‎ नाही. आयकर दरांच्या राशीत बदल‎ करून मध्यमवर्गाला नोकरदारांना‎ काय करात मोठा दिलासा दिला‎ आहे. सूक्ष्म व लहान उद्योग‎ घटकांना त्यांचे पैसे वेळेवर‎ मिळवण्याच्या दृष्टीने कमी व्याज‎ दराने व जास्तीचे तारण न घेता कर्ज‎ उपलब्ध होण्याच्या दृष्टीने पावले‎ उचलली आहेत.सन २०२३-२४ मध्ये‎ जागतिक अर्थव्यवस्था २.९‎ टक्क्यांनी वाढण्याचा अंदाज‎ आयएफएमने व्यक्त व्यक्त केला‎ आहे. त्या पार्श्वभूमीवर आपल्या‎ देशाच्या अर्थव्यवस्था ६.५ टक्क्यांनी‎ वाढणार असल्याचा अंदाज‎ अतिशय उत्साहवर्धक आहे, असेही‎ सीए पितळे म्हणाले.‎