फायदा करून देण्याचा बहाणा‎:घुलेवाडी येथील दाम्पत्याला 45 लाखांना गंडवले; चौघांवर गुन्हा‎

चांगला परतावा व कमी वेळेत पैसे‎ दुप्पट होतील, असे खोटे आश्वासन‎ देत सुरेखा प्रमोद खैरे व त्यांचे पती‎ प्रमोद खैरे (घुलेवाडी) या‎ दांपत्याला विविध कंपन्यांमध्ये पैसे‎ गुंतवण्यास भाग पाडत ४५ लाख २३‎ हजार ५१२ रुपयांना गंडा घालणाऱ्या‎ चौघांवर शहर पोलिसांनी गुन्हा‎ दाखल केला.‎ खैरे दांम्पत्याबरोबर गणेश‎ राधाकिसन वर्पे (वरवंडी) याने‎ ओळख करत बिग लाईफ केअर या‎ आरओ कंपनीत झोनल मॅनेजर,‎ एफएमएलसी ग्लोबल मार्केटिंग‎ (हरियाना), संकल्प सिद्धी प्रोडक्ट‎ प्रायव्हेट लिमीटेड (नाशिक),‎ आरआर वर्ल्ड फायनान्स कंपनी‎ (मुंबई) अशा विविध मार्केटींग‎ कंपन्यांमध्ये हिस्सेदार म्हणून काम‎ करत असल्याचे सांगितले.‎ कंपन्यांमध्ये गुंतवणूक करून कमी‎ वेळेत दुपटीने पैसे कमवून देतो,‎ अशी हमी देत खैरे दांपत्याचा‎ विश्वास संपादन केला.

तर रेश्मा‎ देसाई या महिले सोबत खैरेंची‎ ओळख करून देत बिजनेस पार्टनर‎ असून तिला गुंतवणुकीतून आर्थिक‎ फायदा करून दिल्याचे वर्पेने‎ सांगितले. तर मामाचा मुलगा महेश‎ मांढरे बिजनेस मॅनेजर असून त्याची‎ ओळख करून दिली. डिसेंबर २०१७‎ पासून गणेश वर्पे, मंगल गणेश वर्पे‎ (वरवंडी), रेश्मा आबासाहेब देसाई‎ (पुणे) व महेश विजय मांढरे‎ (आश्वी) या चौघांनी खैरे‎ दांपत्याला ६ वर्षात जवळपास ४५‎ लाखाला गंडवले. त्यांनी पैशाची‎ मागणी केली असता प्रतिसाद न‎ मिळाल्याने आपली फसवणूक‎ झाल्याचे खैरे यांच्या लक्षात येताच‎ त्यांनी शहर पोलिस स्टेशन गाठले.‎ सुरेखा खैरे यांच्या फिर्यादीवरून‎ चौघांवर गुन्हा दाखल केला.‎