10 लाख कोटींपेक्षाही अधिक नुकसान:भारतीय भांडवलाच्या नुकसानीला अदानी‎ समूह कारणीभूत : आमदार लहू कानडे‎

हिंडनबर्गचा रिसर्चच्या‎ अहवालानंतर अदानी उद्योग‎ समूहाला ज्या अडचणी निर्माण‎ झाल्या आणि त्यामुळे अवघ्या १०‎ दिवसांत या उद्योग समूहाचे १०‎ लाख कोटींपेक्षाही अधिक नुकसान‎ झाले. एका अर्थाने भारतीय‎ भांडवलाचे नुकसान झाले आणि‎ त्याला सर्वस्वी गौतम अदानी व‎ त्यांच्या कंपन्यांनी केलेली आणि‎ उघडकीस आलेली अफरातफरी‎ कारणीभुत असल्याचा आरोप‎ आमदार लहू कानडे यांनी केला.‎

याच्या निषेधार्थ श्रीरामपूर येथील‎ स्टेट बँकेच्या मुख्य कार्यालयासमोर‎ साेमवारी, ६ फेब्रुवारी श्रीरामपूर‎ तालुका काँग्रेस पक्षाच्या पदाधिकारी‎ आणि कार्यकर्त्यांनी प्रतिकात्मक‎ निदर्शने केली. यावेळी अदानी‎ उद्योग समूह व भाजप सरकारचाही‎ निषेध करण्यात आला. त्यावेळी ते‎ बोलत होते.‎ यावेळी अरुण नार्इक, अशोक‎ कानडे, ज्ञानेश्वर मुरकुटे, सतीश‎ बोर्डे, योगेश आसने, अस्लमभार्इ‎ शेख, कलीमभार्इ कुरेशी, विष्णुपंत‎‎‎‎‎‎‎‎‎‎‎ खंडागळे, सुरेश पवार, हरिभाऊ‎ बनसोडे, अक्षय नार्इक, आनंदा‎ साळवे, आशिष शिंदे, निखील‎ कांबळे, प्रतीक कांबळे, आकाश‎ शेंडे, जालिंदर बोर्डे, विलास दरेकर‎ जालींदर बोर्डे, विलास दरेकर, रामा‎ पांढरे, जमीर पिंजारी, अक्षय‎ खंडागळे आदींसह अनेक कार्यकर्ते‎ यावेळी उपस्थित होते. केंद्रातील‎ भाजपच्या सरकारचे उद्योगपती‎ अदानी हे मित्र असल्याचे‎ जगजाहीर आहे.

केवळ त्यांच्या‎ घनिष्ठ संबंधामुळेच भारतातील‎ राष्ट्रीयकृत बँकांनी आणि महत्वाच्या‎ वित्त संस्था असणाऱ्या आयुर्विमा‎ महामंडळानी अदानी उद्योग‎ समूहाला लाखो कोटींचे कर्ज दिले.‎ अदानी उद्योग समुहाच्या कंपन्या‎‎‎‎‎‎‎‎‎‎‎ केव्हाहीदिवाळखोरीत जाण्याची‎ शक्यता निर्माण झाल्याने बँकांनी‎ केलेला वित्तपुरवठा धोक्यात आला‎ आहे.

तसेच एलआयसीने केलेली‎ गुंतवणुक संकटात सापडली आहे.‎ दबावाला बळी पडून कर्ज देणाऱ्या‎ वित्तीय संस्थांना त्यांच्या चुकीच्या‎ कृतीची जाणीव करून देण्यासाठी‎ अखिल भारतीय काँग्रेस कमिटीच्या‎ वतीने या वित्तीय संस्थांच्यासमोर‎ काँग्रेस पक्षाच्या वतीने देशभर‎ आंदोलन केले जात आहे. याचाच‎ भाग म्हणून व स्टेट बँक व‎ एलआयसीच्या निषेधार्थ घोषणा‎ देण्यात आल्या. तसेच अदानी उद्योग‎ समूह व भाजप सरकारचाही निषेध‎ करण्यात आला. आंदोलनात‎ कार्यकर्ते सहभागी होते.‎