बैठक:माथाडी कामगारांच्या प्रश्नांवर सकारात्मक निर्णय

माथाडी कामगारांच्या प्रलंबित‎ मागण्यांसाठी ३ मार्च रोजी‎ जिल्हाधिकारी कार्यालयावर मोर्चा‎ काढून प्रश्न सोडवण्यासाठी‎ पाठपुरावा केला. अनेक‎ दिवसांपासून प्रलंबित असलेल्या‎ प्रश्नांबाबत वारंवार लेखी निवेदने‎ देऊनही माथाडी मंडळाच्या‎ अधिकाऱ्यांनी गोड बोलून प्रलंबित‎ प्रश्नाला केराची टोपली दाखवली. ३‎ मार्च रोजी माथाडी कामगारांच्या‎ मोर्चात जिल्हाधिकाऱ्यांनी लक्ष‎ घालावे आणि माथाडी कायद्याची‎ काटेकोर अंमलबजावणी करावी‎ असा आग्रह धरला. त्याची दखल‎ घेत, जिल्हाधिकारी सिद्धराम‎ सालीमठ यांनी तात्काळ बैठक‎ बोलावली. बैठकीत विविध प्रलंबित‎ प्रश्नावर चर्चा करून ते मार्गी‎ लावण्याचे आश्वासन‎ जिल्हाधिकाऱ्यांनी दिल्याची माहिती‎ हमाल पंचायतचे जिल्हाध्यक्ष‎ अविनाश घुले यांनी दिली.‎

बैठकीस कामगार नाशिक‎ विभागीय उपायुक्त विकास माळी,‎ माथाडी मंडळाचे अध्यक्ष तथा‎ सहाय्यक कामगार आयुक्त नितीन‎ कवले, निरीक्षक सुनील देवकर,‎ सचिव तुषार बोरसे, जगधने, काळे,‎ कॉ. बाबा आरगडे, महामंडळाचे‎ उपाध्यक्ष राजकुमार घायाळ, सचिव‎ सुभाष लोमटे आदी उपस्थित होते.‎ बैठकीत आवक वाराईचा २०‎ वर्षांचा प्रश्न, महिलांची मजुरी,‎ मार्केट कमिटीचे प्रशासकासोबत‎ बैठक घेऊन आवक वाराईचा‎ प्रश्न सोडविण्यात येईल. ठोक‎ वाराई भराईचा नव्याने करार‎ करतेवेळी इंडेक्स रक्कम‎ वाढविण्यात यावी. अनोंदीत‎ कामगारांची दखल माथाडी मंडळ‎ घेत नाहीत, १ तारखेपासून‎ अनोंदीत कामगारांची नोंदणी‎ करण्यात येईल. माथाडी‎ मंडळातून कामगारांना वेळेवर‎ पगार १० तारखेपर्यंत खात्यावर‎ टाकावा.

बिगर नोंदीत आस्थापना‎ माथाडी मंडळात १ तारखेपासून‎ नोंदीत करण्यात येतील.‎‎‎‎‎‎‎‎‎‎‎‎ कामगारांचे इन्शुरन्स क्लेमबाबत‎ संघटनेला विश्वासात घेऊन विमा‎ कंपन्यांची निवड करण्यात येईल. ५०‎ किलो वजनाची काटेकोर‎ अंमलबजावणी करणे, कांदा मार्केट‎ व भाजीपाला मार्केटमध्ये काम‎‎‎‎‎‎‎‎‎‎‎‎ करण्याचे वेळेचे बंधन अत्यावश्यक‎ आहे. रेल्वेस्टेशन मालधक्का‎ येथील कामगारांना नागरी सुविधा‎ तात्काळ देण्यात याव्यात. प्रचलित‎ लेव्हीत वाढ करावी, आदी‎ मागण्यांसंदर्भात दर ३ महिन्यांनी‎‎‎‎‎‎‎‎‎‎‎‎ जिल्हाधिकाऱ्यांनी आढावा बैठक‎ घेण्यात येऊन शहानिशा करण्यात‎ येईल, असे आश्वासन दिले.‎ त्याबद्दल हमाल पंचायतीच्या वतीने‎ जिल्हाधिकारी सालीमठ यांचे‎ आभार मानण्यात आले.‎