सोयीचे इस्टिमेट‎ करण्याचा घाट‎:निसर्ग पर्यटन कामाच्या दर्जाकडे वन विभागाची डोळेझाक‎, निकष डावलून रोवले‎ जात आहेत खांब ?‎

डोंगरघाट माथ्यावर सुमारे उभारण्यात येत‎ असलेल्या १ कोटी ३० लाखांच्या श्री‎ रामेश्वर बायोडायव्हरर्सिटी पार्क निसर्ग‎ पर्यटन केंद्राचे काम सुरू आहे. कामाच्या‎ पाहणीसाठी वनविभागाच्या अधिकाऱ्यांच्या‎ नियमीत भेटी सुरू आहेत.

आठ हेक्टर‎ क्षेत्रावर संरक्षक कुंपन बांधणीसाठी‎ लोखंडी अँगलचे पोल रोवण्यात आले.‎ त्यासाठी खोदलेले खड्डे निकषापेक्षा लहान‎ असून इतर कामांच्या दर्जाबाबत प्रश्नचिन्ह‎ निर्माण झाले आहे.‎ अहमदनगरपासून अवघ्या वीस‎ किलोमीटर अंतरावर असलेल्या डोंगरगण‎ घाट माथ्यावर आठ हेक्टर क्षेत्रात रामेश्वर‎ निसर्ग पर्यटन साकारण्यात येत आहे.

वन‎ विभागाने पहिल्या टप्प्यातील कामाला‎ सुरुवात केली आहे. या ठिकाणी चिल्ड्रन‎ पार्क, पॅगोडा, औषधी वनस्पती वृक्ष लागवड,‎ टेहळणी मनोरे, अटल घनवन आदी सुविधा‎ असणार आहेत. केंद्रातील पॅगोडासह इतर‎ बांधकामे सुरू आहेत. कामासाठी वापरले‎ जाणारे सिमेंट, डस्ट, खडीचे प्रमाण‎ तपासणीकडे वनविभागाने दुर्लक्ष केले.‎ संरक्षक पोल रोवण्यासाठी किमान ०.४५ मी.‎ खोली, ०.४५ रुंदी तर ०.६७ मी. लांबीचे खड्डे‎ घेणे आवश्यक आहे. कुंपनासाठी रोवण्यात‎ येत असलेल्या पोलचे खड्डे निकष डावलून‎ केल्याचा विषय चर्चेत आला आहे.‎

याप्रकरणी वनविभागाने कागदी घोडे‎ नाचवून विकासकाला निकषानुसार काम‎ करण्याचे पत्र दिल्याची माहिती समजली.‎ या कामाची पाहणी उपवनसंरक्षक सुवर्णा‎ माने, सहाय्यक वनसंरक्षक जयराम गोंदके,‎ वनक्षेत्रपाल सुरेश राठोड यांनी केली. परंतु,‎ कामाच्या दर्जाबाबत कोणतीही ठोस पावले‎ उचलली नाहीत. त्यामुळे वनविभागाच्या‎ कार्यपद्धतीवर प्रश्नचिन्ह उपस्थित झाले‎ आहे. याबाबत अधिक माहितीसाठी‎ वनक्षेत्रपाल राठोड यांच्याशी संपर्क‎ साधण्याचा प्रयत्न केला. परंतु, फोन न‎ घेतल्याने त्यांच्याशी चर्चा होऊ शकली‎ नाही.‎

निसर्ग पर्यटनाचे काम करण्यासाठी इस्टिमेटप्रमाणे होणे अपेक्षित आहे, परंतु आतापर्यंत‎ झालेले काही काम संशयाच्या भोवऱ्यात आल्याने, वनविभागाने सावध भूमिका घेतली‎ आहे. त्यामुळे झालेल्या कामाप्रमाणे सोयीचे इस्टिमेट करण्याचा घाट घातला जात‎ असल्याची चर्चा आहे.‎