बोजवारा:अधिकाऱ्यांकडून ठेकेदारांना‎ पाठिशी घालण्याचा प्रयत्न,‎ महासभेत प्रशासन धारेवर; नगरसेवक संतप्त‎

शहरातील दैनंदिन कचरा संकलनाचा उडालेला बोजवारा, एलईडी‎ पथदिव्यांचा प्रकल्प अशा विविध ‎ ‎ कामांच्या ठेकेदारांकडून कामात ‎ ‎ हलगर्जीपणा होत असल्याने ‎नगरसेवकांनी महापालिकेच्या सभेत ‎ ‎ प्रशासनाला धारेवर धरले. मात्र,‎ उपायुक्त यशवंत डांगे यांनी‎ ठेकेदारांच्या अडचणी मांडत त्यांचेच ‎ ‎ समर्थन करण्याचा प्रयत्न केल्याने ‎ नगरसेवक चांगलेच संतापले. ‎ ‎

ठेकेदारांच्या अडचणीऐवजी‎ नागरिकांच्या समस्यांचा विचार करा, ‎ ‎ मनपा ठेकेदारांच्या दावणीला बांधली ‎ ‎ आहे का? असा सवाल करत डांगे‎ यांना धारेवर धरले. अखेर महापौर‎ रोहिणी शेंडगे व आयुक्त डॉ. पंकज‎ जावळे यांनी मध्यस्थी करत सुधारणा‎ करण्याचे आश्वासन दिले.‎

महापौर शेंडगे यांच्या‎ अध्यक्षतेखाली मंगळवारी आयोजित‎ महासभेत एलईडी पथदिवे‎ प्रकल्पावरून मालन ढोणे व दिपाली‎ बारस्कर यांनी प्रशासनाचे वाभाडे‎ काढले. उपायुक्त डांगे यांनी या‎ प्रकल्पामुळे मनपाच्या पथदिवेच्या‎ वीजबिलात ७० टक्के बचत झाली,‎ त्यावर प्रकाश भागानगरे यांनी‎ पथदिव्यांचे वीजबिल कमी व्हावे‎ यासाठी अनेक प्रभागातील पथदिवे‎ बंद ठेवले जातात, असा थेट आरोप‎ केला. त्याला वाकळे व स्वप्नील शिंदे‎ यांनी दुजोरा दिला.

प्रकल्पाच्या‎ ठेकेदारावर दंडात्मक कारवाईचा‎ प्रस्ताव आयुक्तांकडे प्रलंबित आहे,‎ त्यावर निर्णय का घेतला जात नाही,‎ अशी विचारणा नगरसेवकांनी केली,‎ मात्र त्याला उत्तर मिळाले नाही.‎ शहरात दैनंदिन कचरा संकलन‎ होत नाही, चार-चार दिवस घंटागाडी‎ नागरिकांच्या घरी जात नाही, तरीही‎ रोज शहरात १३० टन कचरा संकलन‎ व त्यावर प्रक्रिया केल्याचे कसे‎ दाखवले जाते, असा प्रश्न‎ नगरसेवकांनी उपस्थित केला.‎

कुमारसिंह वाकळे यांनी तर‎ कचऱ्यावर पाणी मारून त्याचे वजन‎ वाढवले जाते असा आरोप केला.‎ कॉपी करून मनपाने शहर‎ सौंदर्यकरणात तिसरा क्रमांक‎ पटकावल्याचा टोलाही त्यांनी‎ लगावला.‎ ५० लाखांचे पोकलेन‎ ठरले बिनकामाचे!‎ महापालिकेने स्वतःचे दोन जेसीबी व‎ ५० लाखांचे दोन पोकलेन खरेदी केले.‎ परंतु ते ओढे-नाले सफाईच्या कामात‎ कुचकामी ठरत आहेत. त्याची‎ क्षमताच नसल्याचे अधिकाऱ्यांनी‎ सांगितले.

त्यामुळे असे बिनकामाची‎ वाहने खरेदी का केली, असा सवाल‎ नगरसेवकांनी केला. नगरसेवक श्याम‎ नळकांडे यांनी चालक उपलब्ध होत‎ नसल्याने गेली आठ महिने कोट्यवधी‎ रुपये खर्चून खरेदी केलेली वाहने उभे‎ आहेत, याकडे लक्ष वेधले.‎

५० लाखांचे पोकलेन‎ ठरले बिनकामाचे!‎

महापालिकेने स्वतःचे दोन जेसीबी व‎ ५० लाखांचे दोन पोकलेन खरेदी केले.‎ परंतु ते ओढे-नाले सफाईच्या कामात‎ कुचकामी ठरत आहेत. त्याची‎ क्षमताच नसल्याचे अधिकाऱ्यांनी‎ सांगितले. त्यामुळे असे बिनकामाची‎ वाहने खरेदी का केली, असा सवाल‎ नगरसेवकांनी केला. नगरसेवक श्याम‎ नळकांडे यांनी चालक उपलब्ध होत‎ नसल्याने गेली आठ महिने कोट्यवधी‎ रुपये खर्चून खरेदी केलेली वाहने उभे‎ आहेत, याकडे लक्ष वेधले.‎