कारवाईच्या धडका:रात्री विनाकारण फिरणाऱ्या टवाळखोरांवर‎ कोतवाली पोलिसांकडून कारवाई सुरू‎

नगर‎ कोतवाली पोलिसांतर्फे शहरात रात्री‎ उशिरापर्यंत विविध ठिकाणी टवाळखोरी ‎करणाऱ्याविरोधात मोहीम राबविण्यात येत आहे. रात्री उशिरा बस स्थानक परिसरात‎ तसेच शहरात इतर ठिकाणी विनाकारण फिरणाऱ्या टवाळखोरांवर कारवाईच्या‎ धडाका पोलिसांनी सुरू केला आहे.

रात्री ‎अपरात्री विनाकारण फिरत असलेल्या मोटरसायकल चालकांना अडवून‎ कोतवाली पोलिस चौकशी करत आहेत.‎ पुणे बसस्थानक परिसरात उघड्यावर दारू‎ पिणाऱ्या काही जणांना कोतवाली‎ पोलिसांनी ताब्यात घेतले आहे.‎ गेल्या आठवड्यात कोतवाली पोलिसांनी‎ रात्री उशिरा शहरातून वाहन घेऊन‎ जाणाऱ्या इसमाकडून तलवार जप्त केली‎ होती.

वाहनांची तपासणी

माळीवाडा बसस्थानक, पुणे‎ बसस्थानक व इतर चौकात रात्री‎ विनाकारण मोटरसायकली वरून‎ फिरणाऱ्यांना अडवून कोतवाली पोलिस‎ चौकशी करत आहेत. वाहनांचे नंबर‎ ‎पोलिसांकडून तपासले जात आहेत. या‎ शोध मोहिमेत पोलिसांना काही जबरदस्तीने‎ मोबाईल चोरणारे मारहाण करून लुटणारे‎ गुन्हेगार सुद्धा हाती लागले आहेत.‎

संशयितरित्या फिरणाऱ्या तीन चोरट्यांवर‎ कारवाई करण्यात आली आहे. सार्वजनिक‎ ठिकाणी गोंधळ घालणाऱ्या नऊ जणांवर‎ कारवाई करण्यात आले आहे. कोतवाली‎ ठाण्याचे निरीक्षक चंद्रशेखर यादव हे स्वतः‎ पथकासह रात्री उशिरापर्यंत गस्त घालत‎ आहेत.‎

कारवाईचा बडगा

६२ आस्थापनांवर कारवाई‎ दुकाने, हॉटेल्स, टपऱ्या रात्री ११ नंतर‎ उघड्या दिसल्यास कारवाई करण्यात‎ येत आहे. नियमाचे उल्लंघन करणाऱ्या‎ एकूण ६२ आस्थापनांवर कोतवाली‎ पोलिसांकडून कारवाई करण्यात आली‎ आहे. यानंतरही रात्री अकरानंतर दुकाने‎ खुली ठेवल्यास कारवाई करण्यात‎ येणार असल्याचे निरीक्षक चंद्रशेखर‎ यादव यांनी सांगितले.‎