फसवणूकीला लगाम:विखे यांच्या अध्यक्षतेखाली उद्या‎ खरीप हंगाम आढावा बैठक‎, 15 भरारी पथके जिल्ह्यात कार्यरत

अहमदनगर‎ जिल्हास्तरीय खरीप हंगाम आढावा‎ बैठक शनिवारी, ६ मे राेजी‎ पालकमंत्री राधाकृष्ण विखे यांच्या‎ अध्यक्षतेखाली जिल्हाधिकारी‎ कार्यालयात दुपारी १२ वाजता‎ आयोजित करण्यात आली आहे.‎

खरीप हंगामामध्ये शेतकऱ्यांना‎ लागणारी बियाणे, खते व‎ किटकनाशके याबाबत कृषी‎ विभागाने केलेल्या नियोजनाचा‎ आढावा घेण्यात येणार आहे.‎

भरारी पथके कार्यरत

खरीप हंगाम २०२३- २४ साठी‎ शेतकऱ्यांना गुणवत्तापूर्ण व दर्जेदार‎ निविष्ठांचा वेळेत व वाजवी दरामध्ये‎ पुरवठा होणेचे दृष्टीने कृषी विभागाने‎ सूक्ष्म नियोजन केलेले आहे.‎ शेतकऱ्यांची कमी दर्जाच्या‎ निविष्ठांमुळे फसवणूक होऊ नये.‎ यासाठी जिल्हास्तरावर १ व प्रत्येक‎ तालुका स्तरावर १ अशी एकुण १५‎ भरारी पथके जिल्ह्यात कार्यरत केली‎ आहेत.

फसवणूकीला घालणार लगाम

भरारी पथकामार्फत निविष्ठा‎ विक्रेत्यांची अचानक तपासणी केली‎ जाणार आहे. बोगस निविष्ठा व‎ जादा दराने निविष्ठांची विक्री‎ केल्यास संबंधित विक्रेत्यावर‎ कायदेशीर कारवाई केली जाणार‎ आहे. यामुळे शेतकऱ्यांची‎ फसवणूक टळेल व अनधिकृतरित्या‎ विक्री होणाऱ्या बोगस बियाणे व खते‎ विक्रीला लगाम घालण्यास मदत‎ होईल.

जिल्हास्तरावर तसेच‎ तालुकास्तरावर निविष्ठा उपलब्धता‎ व तक्रार निवारण कक्षांची स्थापना‎ करणेत आलेली आहे. तसेच प्रत्येक‎ तालुका स्तरावर तक्रार निवारण‎ समिती कार्यरत करण्यात आलेली‎ आहे.‎