सभेत निवडीची‎ अधिकृत घोषणा‎:ठरल्याप्रमाणे कवडे सभापती, पाऊलबुधे सभागृहनेता!‎

ठरल्याप्रमाणे गुरुवारी (ता. ३)‎ झालेल्या निवडणुकीच्या सभेत‎ महापालिकेच्या स्थायी समितीच्या‎ सभापतिपदी शिवसेनेचे (ठाकरे‎ गट) नगरसेवक गणेश कवडे‎ यांची बिनविरोध निवड झाली.‎ नंतर ठरल्यानुसारच महापौर‎ रोहिणी शेंडगे यांनी राष्ट्रवादीचे‎ नगरसेवक विनित पाऊलबुधे यांना‎ नवे सभागृहनेता म्हणून नियुक्तीचे‎ पत्र दिले. दरम्यान, सभापती‎ झाल्यावर कवडे यांनी लगेच‎ पदभार स्वीकारला.‎ स्थायी समितीच्या‎ सभापतिपदासाठी कवडे यांचा‎ एकमेव अर्ज दाखल झाला होता.‎‎‎‎‎‎‎‎‎‎‎‎‎ समितीच्या १६ सदस्यांमध्ये‎ शिवसेना व राष्ट्रवादीचे प्रत्येकी ५‎ सदस्य असल्याने व त्यांचेच १०‎ जणांचे बहुमत असल्याने चार‎ सदस्य असलेल्या भाजपने‎ विरोधात उमेदवारही दिला नाही.‎ त्यामुळे जिल्हाधिकारी सिद्धराम‎ सालीमठ यांच्या अध्यक्षतेखाली‎ सभेत कवडे यांच्या निवडीची‎ अधिकृत घोषणा झाली. या वेळी‎‎‎‎‎‎‎‎‎‎‎‎‎ आयुक्त डॉ. पंकज जावळे, नगर‎ सचिव एस. बी. तडवी उपस्थित‎ होते.

निवडीनंतर जिल्हाधिकारी‎ सालीमठ यांनी नूतन सभापती‎ कवडेंचा सत्कार केला. या‎ निवडीनंतर कवडे यांनी पदभार‎ स्वीकारला. मनपाच्या आवारात‎ ढोल-ताशांच्या गजरात गुलाल‎ उधळत कवडे समर्थकांनी‎ जल्लोष केला. यावेळी फटाक्यांची‎‎‎‎‎‎‎‎‎‎‎‎‎ आतषबाजीही करण्यात आली.‎ त्यानंतर ठरल्यानुसारच महापौर‎ शेंडगे यांनी सभागृह नेतेपदी‎ नियुक्तीचे पत्र राष्ट्रवादीचे‎ नगरसेवक विनित पाऊलबुधे यांना‎ दिले. यावेळी उपमहापौर‎ उपमहापौर गणेश भोसले,‎ शिवसेना ठाकरे गटाचे शहरप्रमुख‎ संभाजी कदम, संजय शेंडगे, नजू‎ पैलवान, सचिन शिंदे, शाम‎‎‎‎‎‎‎‎‎‎‎‎‎ नळकांडे, प्रकाश भागानगरे,‎ सुनील त्रिंबके, प्रदीप परदेशी,‎ संग्राम कोतकर, मंगल लोखंडे,‎ स्मिता अष्टेकर, आशा‎ निंबाळकर, प्रशांत गायकवाड,‎ पल्लवी जाधव, अविनाश घुले,‎ अनिल बोरुडे, बाळासाहेब पवार‎ आदी उपस्थित होेते. सभापती‎ कवडे यांनी मनपात सभागृहनेता‎ म्हणूनही यापूर्वी काम केले आहे.‎

विकासाचे वर्ष म्हणून साजरे करणार : कवडे
‎यंदाचे मनपाचे निवडणूक वर्ष असल्याने ते सर्वांना सोबत घेऊन विकासाचे वर्ष‎ म्हणून साजरे करण्याचा मानस सभापती कवडे यांनी व्यक्त केला. शहराचा‎ विकास करताना आम्ही समितीतील सर्वपक्षीय सदस्य कोणताही किंतू-परंतु न‎ बाळगता एकदिलाने प्रयत्न करू. माजी आमदार (स्व.) अनिलभैय्या राठोड व‎ मामा (स्व.) सुरेश शेळके यांच्या आशीर्वादाने व महापौर रोहिणी शेंडगे, आ.‎ संग्राम जगताप यांच्यासह राष्ट्रवादी, शिवसेना, भाजप व काँग्रेसच्या‎ सहकार्यानेच सभापती झाल्याचेही त्यांनी स्पष्ट केले. शहरवासियांना पूर्ण दाबाने‎ व पुरेसे पाणी या मार्च महिन्याखेरीपर्यंत मिळण्यासाठी पाठपुरावा करणार‎ असल्याचे कवडे यांनी सांगितले.‎