आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

गाळप‎:अशोक कारखान्याचे 10.60‎ लाख टनांचे उच्चांकी गाळप‎ ; कारखाना‎ वाटचालीत आव्हानात्मक

श्रीरामपूर‎17 दिवसांपूर्वी
  • कॉपी लिंक

अशोक सहकारी साखर कारखान्याची सन‎ २०२१-२२ च्या गळीत हंगामात स्वतःचे ८ लाख‎ ५२ हजार ७९२ टन, तर बाहेरच्या कारखान्यांना‎ पुरविलेला २ लाख १३ हजार ६१६ टन असे‎ एकूण १० लाख ६६ हजार ४०८ टन इतके‎ उच्चांकी ऊस गाळप करुन कारखाना‎ वाटचालीत आव्हानात्मक ठरलेल्या यंदाच्या‎ गळीत हंगामाची निर्विघ्नपणे सांगता झाल्याचे‎ प्रतिपादन चेअरमन माजी आमदार भानुदास‎ मुरकुटे यांनी केले.‎ अशोक कारखान्याच्या सन २०२१-२२ च्या‎ गाळीत हंगामाची सोमवारी कारखान्याचे‎ संचालक रामभाऊ कासार व त्यांची पत्नी‎ सविता कासार यांचे हस्ते गव्हाणीत शेवटची‎ उसाची मुळी टाकून सांगता झाली. याप्रसंगी‎ साखर कामगार सभेचे सरचिटणीस अविनाश‎ आपटे, कारखान्याचे व्हाईस चेअरमन‎ भाऊसाहेब उंडे, ज्येष्ठ संचालक कोंडीराम‎ उंडे, हिम्मतराव धुमाळ, बाबासाहेब आदिक,‎ मंजुश्री मुरकुटे, शितल गवारे, अमोल कोकणे,‎ योगेश विटनोर, प्रफुल्ल दांगट, विरेश गलांडे,‎ पुंजाहरी शिंदे, यशवंत बनकर, ज्ञानेश्वर काळे,‎ अच्युत बडाख, अशोक पारखे, कार्यकारी‎ संचालक संतोष देवकर, अमर ढोकचौळे,‎ हरिदास वेताळ, शिवाजी मुठे, सचिन काळे,‎ भगवान सोनवणे, संजय लबडे, कचरु‎ औताडे, शनैश्वर पवार, नारायण बडाख,‎ रावसाहेब माने, दशरथ पिसे, सुभाष पटारे,‎ चंद्रभान पवार आदी उपस्थित होते.‎ यंदा कारखाना कार्यक्षेत्रात अतिरिक्त ऊस‎ उपलब्ध होता. त्यामुळे कार्यक्षेञातील संपूर्ण‎ ऊसाचे गाळप करण्याचे आव्हान होते. अशा‎ स्थितीत व्यवस्थापनाने ऊस तोडणीचे नियोजन‎ केले. संपूर्ण ऊसाची तोडणी व्हावी यासाठी‎ तब्बल ५० हार्वेस्टरची उपलब्धता करण्यात‎ आली. तसेच कारखाना दैननंदिन‎ गाळपाव्यतिरिक्त प्रवरा, राहुरी, गणेश, प्रसाद,‎ संगमनेर, ज्ञानेश्वर, मुळा आदी कारखान्यांना‎ ऊस पुरवठा करून परिस्थिती नियंत्रणात‎ आणली. सन २०२१-२२ च्या गळित हंगामात‎ कारखान्याने स्वतःचे ८ लाख ५२ हजार ७९२‎ टन, तर बाहेरच्या कारखान्यांद्वारे २ लाख १३‎ हजार ६१६ टन असे एकूण १० लाख ६६ हजार‎ ४०८ टन उसाचे विक्रमी गाळप केले.‎ कारखान्याने कार्यक्षेत्राबाहेरील नियमित ऊस‎ पुरवठा करणाऱ्या ऊस उत्पादकांच्या ७८ हजार‎ टन ऊस खरेदी करून गाळप केले. सदरचे‎ शेतकरी कार्यक्षेत्रात ऊस टंचाई असते, तेव्हा‎ ऊस पुरवठा करतात. त्यांना वाऱ्यावर सोडणे‎ इष्ट ठरत नाही. त्यामुळेच त्यांच्या उसाचे‎ गाळप करण्याचा निर्णय व्यवस्थापनने घेतला.‎ कारखाना वाटचालितील सर्वात आव्हानात्मक‎ ठरलेला गळीत हंगाम यशस्वीतेसाठी‎ कारखान्याचे सभासद, ऊस उत्पादक शेतकरी,‎ ऊस तोडणी कंत्राटदार, तोडणी मजूर, हार्वेस्टर‎ मालक यांच्यामुळे हंगाम यशस्वी झाला.‎

बातम्या आणखी आहेत...