उपक्रम ‎:बसस्थानकात पारंपरिक कलेतून एड्स प्रतिबंधासाठी प्रबोधन‎

एड्स प्रतिबंध हाच उपाय असल्याने, या संसर्गाची‎ बाधा टाळण्यासाठी काय काळजी घ्यावी, तसेच‎ संसर्गीत व्यक्तीबाबत असलेले गैरसमज दूर‎ करण्याच्या उद्देशाने जिल्ह्यात १ ते ३ मार्च व ८ ते १०‎ मार्च दरम्यान कला पथकांमार्फत बसस्थानकात‎ जनजागृती करण्यात येणार आहे. पारंपरिक‎ कलांतून प्रबोधन करण्याचा हा उपक्रम लक्षवेधी‎ ठरत आहे.‎ कुलस्वामिनी कला मंच व जय हिंद‎ कलापथकांच्या वतीने नगर, राहुरी, श्रीरामपूर,‎ नेवासे, शेवगाव, पाथर्डी, जामखेड येथील‎ बसस्थानक, तसेच गर्दीच्या ठिकाणी‎ कलापथकाद्वारे एड्सबाबत जनजागृती करण्यात‎ येत आहे. त्यासाठी स्थानिक लोकप्रतिनिधी व‎ शासकीय यंत्रणांचा सहभाग व सहकार्य घेतले‎ जाणार आहे.

ज्या भागात जागृती करायची आहे,‎ त्या भागातील आयसीटीसी केंद्राचे समुपदेशक,‎ प्रयोगशाळा तंत्रज्ञांच्या समन्वयातून कार्यक्रम‎ राबवणार आहेत, अशी माहिती जिल्हा‎ रुग्णालयातील एड्स प्रतिबंध व नियंत्रण विभागाचे‎ जिल्हा कार्यक्रम अधिकारी शिवाजी जाधव यांनी‎ दिली.‎ जिल्हा एड्स प्रतिबंध व नियंत्रण विभाग जिल्हा‎ रुग्णालयामार्फत जिल्हा शल्य चिकित्सक डॉ.‎ संजय घोगरे यांच्या मार्गदर्शनाखाली वर्षभर‎ जनजागृतीपर विविध उपक्रम राबवले जातात.‎ त्यात एचआयव्ही एड्स जनजागृती करण्यासाठी‎ समुपदेशन, जनजागृती रॅली महाविद्यालयात‎ व्याख्याने, पोस्टर्स स्पर्धा, रांगोळी स्पर्धा,‎ जनजागृती व्हिडिओ बनवणे, जिंगल स्पर्धा आदी‎ उपक्रम राबवले आहेत. युवा वर्ग, सर्वसाधारण‎ जनता, महिला, दुर्लक्षित गट, अतिजोखमीचे गट‎ आदी भागात जनजागृती करून एचआयव्ही‎ तपासणीसाठी प्रोत्साहित केले जाते.‎

जिल्ह्यात १०‎ हजार ५६७‎ बाधितांवर उपचार‎
जिल्ह्यात नियमीत एचआयव्ही संसर्गाच्या‎ निदानासाठी शासकीय यंत्रणांकडून चाचण्या‎ केल्या जातात. जिल्ह्यात सद्यस्थितीत सुमारे‎ १० हजार ५६७ व्यक्ती एड्ससह जीवन जगत‎ आहेत. या बाधीतांवर राष्ट्रीय एड्स नियंत्रण‎ कार्यक्रमांतर्गत उपचार सुरू आहेत.‎