प्रतिपादन:आरोग्यदायी जीवनासाठी‎ आहार व व्यायामातील‎ तारतम्य गरजेचे : किरण‎

तुम्ही जे खाता त्याप्रमाणे‎ तुमचे व्यक्तिमत्त्व घडते. माणसाचे‎ आचार-विचार, आरोग्य, बुद्धिमत्ता,‎ स्वभाव, शारीरिक क्षमता, सारे‎ आहारावरच अवलंबून असते.‎ शरीराचे पोषण किंवा शरीर रोगग्रस्त‎ होणे हे आहाराच्याच आधीन‎ आहेत. योग्य आहार घेतला तर‎ औषधांची गरज कमी राहील. आणि‎ कितीही औषधे घेतली, पण पथ्य‎ केले नाही तर त्या औषधांचा उपयोग‎ होणार नाही, म्हणून आरोग्यदायी‎ जीवनासाठी आहार आणि व्यायाम‎ यातील तारतम्य आवश्यक अाहे,‎ असे प्रतिपादन डॉ. वैशाली किरण‎ यांनी केले.

अहमदनगर‎ महाविद्यालयात सुरू असणार्‍या‎ नारी शक्ति सप्ताहात स्त्रीरोगतज्ञ डॉ.‎ वैशाली किरण आणि‎ मानसोपचारतज्ञ डॉ. अपूर्वा काळे‎ यांचे व्याख्यान झाले. त्यावेळी डॉ.‎ किरण बोलत होत्या. डाॅ. किरण‎ यांनी व्यायाम आणि आहार यांतील‎ तारतम्य, आचरणातील‎ शिस्तबध्दपणा, स्त्रियांचा मासिक‎ धर्म, गर्भाशयाचे आरोग्य‎ आदींविषयी मार्गदर्शन केले.‎ मानसोपारतज्ञ डॉ. काळे यांनी‎ स्त्रियांच्या आयुष्यातील विविध‎ टप्प्यावरील मानसिकतेवर भाष्य‎ केले. तसेच, स्त्रियांच्या मानसीक‎ आरोग्याचे संवर्धन कसे करावे,‎ तरुणपणात होणारे मानसीक बदल,‎ आणि पाल्य आणि पालक यातील‎ मनमोकळा संवाद ई. बाबी‎ समजावून सांगितल्या. सूत्रसंचालान‎ डॉ. शबनम गुरुंग यांनी केले.‎