वाचनवेड:न्यू आर्ट्स महाविद्यालयात राष्ट्रीय विज्ञान दिनानिमित्त ग्रंथप्रदर्शन‎

न्यु आर्टस् कॉमर्स अँड सायन्स‎ कॉलेज अहमदनगरच्या ग्रंथालय‎ विभागाच्या वतीने मराठी राजभाषा‎ गौरव दिन आणि राष्ट्रीय विज्ञान‎ दिनानिमित्त ग्रंथ प्रदर्शनाचे‎ आयोजन करण्यात आले. या‎ प्रदर्शनाचे उद्घाटन सुप्रसिद्ध कवी‎ अनंत राऊत यांच्या हस्ते करण्यात‎ आले. या प्रदर्शनात वैचारिक,‎ विज्ञानावर आधारित, कथा,‎ कादंबऱ्या, तसेच शास्त्रज्ञांची‎ पुस्तके मांडलेली होती.‎ याप्रसंगी महाविद्यालयाचे प्राचार्य‎ डॉ. बी. एच. झावरे, कला शाखा‎ उपप्राचार्य बी. बी. सागडे, वाणिज्य‎ शाखा उपप्राचार्य एस. बी.‎ कळमकर ,विज्ञान शाखा उपप्राचार्य‎ ए. ई. आठरे, ग्रंथालय समितीचे‎ एच. डी. जगताप, ग्रंथपाल समिती‎ प्रबंधक बी. के. साबळे, अधीक्षक‎ हेमा कदम, अधीक्षक आर एन‎ पाटील, विविध विभागाचे विभाग‎ प्रमुख, प्राध्यापक आणि प्रशासकीय‎ सेवक वृंद, विद्यार्थी विद्यार्थिनी‎ उपस्थित होते.

‎ प्रमुख पाहुण्यांनी ग्रंथालय‎ विभागाचे विशेष कौतुक केले. ते‎ म्हणाले, ग्रंथालयात सुंदर वैचारिक‎ ग्रंथ संग्रह आहे. ग्रंथ हे मनुष्याच्या‎ जीवनाला मार्गदर्शक आहेत.‎ आजच्या मोबाईल इंटरनेटच्या‎ जगात वाचकांची संख्या कमी होत‎ आहे. परंतु साहित्य वाचनाने‎ व्यक्तीच्या जीवनात अमुलाग्र बदल‎ होतो. त्यासाठी नियमित वाचन केले‎ पाहिजे.‎

मराठी राजभाषा दिनानिमित्त‎ मराठी भाषा व इतर अवांतर‎ वाचनाची तसेच राष्ट्रीय विज्ञान‎ दिनानिमित्त सायन्स स्पर्धा परीक्षेची‎ पुस्तके व इतर शास्त्रज्ञांची पुस्तके‎ प्रदर्शनात मांडली होती. या‎ प्रदर्शनास प्राध्यापक व प्रशासकीय‎ सेवक वृंद विद्यार्थ्यांनी प्रतिसाद‎ दिला. ग्रंथ प्रदर्शन यशस्वीतेसाठी‎ सविता डांगे, चेतन साळवे,‎ शिवाजी सातपुते, श्रीराम बनसोड,‎ के. एन. मते व ग्रंथालय सेवकवृंद‎ यांनी परिश्रम घेतले.‎