मार्गदर्शन:बहारदार फॅशन शो, बुद्धीमत्ता स्पर्धा,‎ मेंदी, रांगोळी स्पर्धेत रमल्या महिला‎

सामान्याला लाजवेल, असे‎ पदलालीत्य करीत बहारदार फॅशन‎ शो, हातावर काढलेली आकर्षक‎ मेंदी, बुध्दीमत्ता स्पर्धा अन् लक्षवेधी‎ रांगोळी.. कोणताही संवाद होत‎ नसताना, फक्त हात व डोळ्यांच्या‎ इशाऱ्यावर सगळा कार्यक्रम‎ चाललेला.. निमित्त होते, विमेन्स‎ डेफ असोसिएशन संचलित,‎ मूकबधीर महिला संघटना‎ अहमदनगर शाखेतर्फे आंतरराष्ट्रीय‎ महिला दिनानिमित्त आयोजित‎ मूकबधीर महिलांच्या मेळाव्याचं..‎ मेळाव्यास आकांक्षा दिव्यांग‎ पूनर्वसन केंद्राच्या संचालिका‎ सविता काळे प्रमुख अतिथी होत्या.‎ पुण्याच्या मूकबधीर संघटनेच्या‎ प्रमुख प्राची सप्तर्षी, नगरमधील‎ संघटनेच्या सुहासिनी गांधी‎ उपस्थित होत्या. सकाळी‎ कार्यक्रमाचे उद्घाटन झालं.‎ हळदी-कुंकू लावून गुलाबपुष्प‎ देऊन आनंदाने प्रत्येकीचं स्वागत‎ केलं.

दिवसभराच्या कार्यक्रमाची‎‎‎‎‎‎‎‎‎‎‎‎ रुपरेषा व प्रास्तविक, औपचारिक‎ दीपप्रज्ज्वलनाने झाली.‎ बहारदार फॅशन शो, बुद्धीमत्ता‎ स्पर्धा, मेंदी, रांगोळी स्पर्धेत सर्व‎ जणी उत्साहाने सहभागी झाल्या.‎ परीक्षक म्हणून सविता काळे व‎ प्राची सप्तर्षी यांनी काम पाहिलं.‎ सुग्रास भोजनाचा आस्वाद साऱ्यांनी‎ घेतला. दुपारी आलेल्या प्रत्येकीने‎ स्वपरिचय करून दिला. त्यानंतर‎ बहारदार नृत्य, विनोदी कार्यक्रम‎ झाले.

विजेत्या महिलांना अध्यक्ष,‎ प्रमुख पाहुण्यांच्या हस्ते पारितोषिक‎ वितरण करण्यात आले.‎ सविता काळे म्हणाल्या, की‎‎‎‎‎‎‎‎‎‎‎‎ ‘शब्देविणू संवादू..’ अशी अवस्था‎ झालीय. सुंदर नियोजनबद्ध,‎ आनंददायी, चैतन्यदायी कार्यक्रमात‎ स्त्रीशक्तीचा सुंदर अविष्कार,‎ तुमची जिद्द, आशावाद, कृतिशील‎ विचार सगळं काही थक्क करणारं‎ आहे. हे सर्व आमच्यासारख्या‎ स्त्रियांसाठी प्रेरणादायी आहे. प्राची‎ सप्तर्षी यांनी महिलांना शुभेच्छा‎ देऊन मार्गदर्शन केले.‎ कार्यक्रमासाठी मूकबधीर‎ संघटनेच्या कार्यकारिणी सदस्या‎ रीना धोका, कोमल मोरे, वर्षा‎ कर्डिले, मनीषा ढाकणे, रुपाली‎ कडूस यांनी परिश्रम घेतले.‎