शिवजयंती उत्सव:छत्रपती शिवरायांनी स्त्री सन्मानाचा आदर्श ठेवला‎

छत्रपती शिवाजी महाराज‎ यांच्याविषयी जेवढे बोलू तेवढे थोडे‎ आहे. त्यांनी आपल्या स्वराज्याच्या‎ माध्यमातून त्यांनी आपला आदर्श‎ जगासमोर ठेवला. त्यामुळे‎ आजप्रत्येक गोष्ट म्हटले की‎ छत्रपती शिवाजी महाराज यांचे नाव‎ पुढे येते. त्यांनी रयतेच्या‎ कल्याणासाठी आपले सर्व आयुष्य‎ पणाला लावले. तसेच स्त्री‎ सन्मानाचा आदर्शही ठेवला,‎ शेतकऱ्यांसाठी ते मदत करत‎ राहिले, असे छत्रपती शिवाजी‎ महाराज यांचे विचार आपण फक्त‎ जयंती व पुण्यतिथीच्या दिवशीच न‎ ठेवता कायमपणे स्मरणात राहिले‎ पाहिजे, असे प्रतिपादन महापौर‎ रोहिणी शेंडगे यांनी केले.‎ बागरोजा हडको चौक येथील‎ शिव प्रतिष्ठा च्यावतीने छत्रपती‎ शिवाजी महाराज जयंतीनिमित्त‎ त्यांच्या पुतळ्यास पुष्पहार अर्पण‎ करुन अभिवादन करण्यात आले.‎

याप्रसंगी महापौर शेंडगे, शहरप्रमुख‎ संभाजी कदम, स्थायी सभापती‎ गणेश कवडे, महिला बाल कल्याण‎ सभापती पुष्पा बोरुडे, माजी‎ विरोधीपक्ष नेता संजय शेंडगे, माजी‎ महापौर सुरेखा कदम, भगवान‎ फुलसौंदर, अनिल बोरुडे,‎ नगरसेवक शाम नळकांडे, सचिन‎ शिंदे, दत्ता कावरे, संतोष गेनप्पा,‎ महिला आघाडीच्या स्मिता‎ अष्टेकर, अरुणा गोयल, सुरेश‎ तिवारी, अशोक दहिफळे, अनिकेत‎ शेंडगे, गणेश पिस्का, केतन गुंदेचा,‎ मनोज मिसाळ, संतोष नवगिरे,‎ संजय गायकवाड, अस्लम शेख,‎ दिलीप पाटील, विक्रम मिसाळ,‎ बाळासाहेब सोनवणे, गणेश‎ क्यातम, बाळासाहेब व्यापारी,‎ जितेंद्र सासवडकर आदी उपस्थित‎ होते.‎ शिवजयंत निमित्त बागरोजा हडको‎ येथे किल्ल्याची भव्य प्रतिकृती,‎ त्यात छत्रपती शिवाजी महाराजांची‎ सुमारे ८ फुटांपेक्षा भव्य सिंहासनारुढ‎ मूर्ती विराजमान होती. तुतारीधारक,‎ मावळे असा ऐतिहासिक देखावा‎ सादर केला होता. हा ऐतिहासिक‎ देखावा येणाऱ्या जाणाऱ्यांचे लक्ष‎ वेधून घेत होता.‎