चांगला सकस आहार:लहान वयात मुलांना सकस‎ आहार मिळणे गरजेचे : गांधी‎

लहान वयात मुलांचे पोषण होण्यासाठी‎ त्यांना चांगला सकस आहार मिळणे‎ गरजेचे आहे. यासाठी न शिजवताही‎ अनेक पौष्टिक व रूचकर पदार्थ तयार‎ करता येतात. फळे, फळभाज्या,‎ हिरव्या पालेभाज्या, दूध, डाळिंब,‎ भेळ, सॅण्डविच सारखी पदार्थ मुले‎ आवडीने खातात. अतिशय झटपट‎ आणि तितकेच पौष्टिक असलेले हे‎ पदार्थ मुलांच्या शारीरिक व बौध्दीक‎ वाढीसाठी पूरक ठरत असल्याचे‎ प्रतिपादन माणिकनगर येथील माइंड‎ चॅम्पस प्री स्कूलच्या संस्थापक‎ संचालिका पुष्पा गांधी यांनी केले.‎

माइंड चॅम्पस प्री स्कूलमध्ये फायरलेस‎ कुकिंग स्पर्धा घेण्यात आली. या स्पर्धेत‎ पालक तसेच विद्यार्थ्यांनी उत्स्फूर्त‎ सहभाग नोंदवत, अनेक सुंदर पाककृती‎ सादर केल्या. ‘हायजिन फर्स्ट’च्या‎ संस्थापक वैशाली गांधी व राखी सागर‎ गांधी यांनी स्पर्धेत परीक्षण केले.‎ पालक व मुलांनी एकत्रित अनेक‎ चांगल्या रेसिपी सादर केल्या. यात‎ फळे, पालेभाज्या, दूध, बटर, मुरमुरे,‎ बिस्किट व टॉपिंग्ज अशा नानाविध‎ पदार्थांचा समावेश होता.

परीक्षकांनी‎ सर्व स्पर्धकांच्या रेसिपीचे कौतुक केले.‎ वैशाली गांधी म्हणाल्या , सर्व‎ रूचकर पदार्थ तयार करताना‎ पालकांनी अतिशय कल्पकता‎ दाखवली. असे निरनिराळे पदार्थ‎ डब्यात दिल्यास, मुले ती आनंदाने‎ खातील. तसेच हायजिनही चांगले‎ राहते. अशा स्पर्धेतून सर्वच पालकांना‎ वेगवेगळ्या पौष्टिक रेसिपींची माहिती‎ होते.‎