आईवडिलांशी संवाद:मुलांनी आईवडिलांशी संवाद साधत‎ अडचणी सांगाव्यात : डॉ. तांबाेळी‎

आज घरातील संवाद हरवत चालला‎ आहे. घरातील सर्वजण जरी एकत्र‎ आले तरी मोबाईलच्या अमर्यादित‎ वापराने एकमेकांशी बोलणे संपले‎ आहे. वयात येणाऱ्या मुलांनी‎ आईवडिलांशी संवाद साधत येणाऱ्या‎ अडचणी सांगितल्या पाहिजे.‎ आईवडिलांशी नियमित संवाद ठेवा.‎ फास्ट फूडऐवजी घरातील अन्न तसेच‎ हिरव्या पालेभाज्या,कडधान्य यांचा‎ वापर करावा. योग्य‎ आहार,सकारात्मक विचार,‎ आत्मविश्वास व योग्य संवाद याचा‎ अवलंब केल्यास तुम्ही कोणत्याही‎ अडचणीना सामोरे जाऊ शकाल, असे‎ प्रतिपादन बालरोगतज्ञ डॉ. सुचित‎ तांबोळी यांनी केले.‎

सावेडीतील ज्ञानसंपदा शाळेत डॉ.‎ तांबोळी यांचे वयात येताना येणाऱ्या‎ अडचणी या विषयावर ५ वी ते ९‎ वीच्या विद्यार्थ्यांकरीता चर्चासत्राचे‎ आयोजन केले होते. अध्यक्षस्थानी‎ संस्थेचे उपाध्यक्ष कारभारी भिंगारे हे‎ होते. यावेळी मुख्याध्यापिका‎ शिवाजंली अकोलकर, पर्यवेक्षिका‎ निलिमा निचित आदी उपस्थित होते.‎ डाॅ. तांबोळी म्हणाले,परीक्षेची तयारी‎ करताना त्यांचा ताण घेऊ नका.‎ सकारात्मक विचार करत अभ्यास‎ करा. काही अडचणी असल्यास‎ आपल्या शिक्षक व पालकांशी संवाद‎ साधून ते सोडवा. अभ्यास करताना‎ नियोजन करा. यावेळी शारीरीक,‎ मानसिक, भावनिक तसेच‎ अभ्यासाबाबत मुलांसमवेत चर्चा‎ झाली.‎