परिषद:ढाक्यातील समिटमध्ये हवामान बदलावर चर्चा‎

तालुक्याचे भूमीपुत्र सुरज‎ गायकवाड यांच्यामार्फत‎ बांगलादेश येथे तिसरी ग्लोबल‎ चेंजमेकर्स समिट आणि पुरस्कार‎ वितरण आयोजित करण्यात आले‎ होते. ज्याची थीम नवीनता, शिक्षण‎ आणि हवामान कृतीसाठी नेतृत्व‎ होती. ह्युमन हार्मनी नेपाळ आणि‎ एच. अँड एच. इंटरनॅशनल‎ फाउंडेशन बांगलादेश यांच्या‎ भागीदारीत प्रोजेक्ट १०० इंडियाच्या‎ वतीने हा कार्यक्रम आयोजित‎ केला होता, अशी माहिती‎ गायकवाड यांनी दिली.

हवामान‎ बदलाच्या आव्हानांचा सामना‎ करण्यासाठी नवकल्पना, शिक्षण‎‎‎‎‎‎‎‎‎‎‎‎‎ आणि नेतृत्वाची तातडीची गरज‎ यावर चर्चा करण्यासाठी‎ जगभरातील नेत्यांना एकत्र आणून‎ हा कार्यक्रम यशस्वी ठरला.‎ कार्यक्रमाचे प्रमुख पाहुणे‎ बांगलादेशचे परराष्ट्र व्यवहार मंत्री‎‎‎‎‎‎‎‎‎‎‎‎‎ मोहम्मद शहरयार आलम,‎ कोसोवा दूतावासाचे राजदूत गुनेर‎ उरेया, नेपाळच्या मिशन‎ दुतावासाच्या उपप्रमुख ललिता‎ सिलवाल, संसद सदस्य आणि‎ ढाका आंतरराष्ट्रीय विद्यापीठाचे‎ अध्यक्ष आणि ब्रिगेडियर जनरल‎ बॅरिस्टर शमीम हैदर पटवारी,‎ माजी ब्रिगेडियर जनरल निवडणूक‎ आयुक्त डॉ. सखावत हुसेन, माजी‎ कुलगुरू ब्रॅक विद्यापीठ आणि‎ माजी देशाचे प्रतिनिधी‎ आययूसीएन डॉ. अन्नुन निशात,‎ हमदर्द विद्यापीठाचे कुलगुरू डॉ.‎ तन्वीर खान, माजी सचिव आरोग्य‎ आणि कुटुंब कल्याण मंत्रालय,‎ ऊर्जा आणि खनिज संसाधन‎ मंत्रालय बांगलादेश एम. नसीर‎ उद्दीन यांच्या उपस्थितीत कार्यक्रम‎ पार पडला. ३० आंतरराष्ट्रीय‎ प्रतिनिधींना हवामान बदलाशी‎ संबंधित विविध कारणे आणि‎ क्षेत्रात त्यांच्या उत्कृष्ट कार्यासाठी‎ पुरस्कार देण्यात आला.‎