आवाहन‎:20 मार्चच्या आंदोलनात सहभागी होण्याचे काँग्रेसचे आवाहन‎

स्थानिक शहर व जिल्ह्याच्या ठिकाणी‎ विविध कार्यक्रम आयोजित करून,‎ शिंदे-फडणविस सरकारच्या युवा विरोधी‎ निती युवक आणि सामान्य नागरिकांपर्यंत‎ पोहोचवावी. तसेच सर्वांना २० मार्चला‎ मुंबई येथील घेराव आंदोलनात सहभागी‎ करून घेण्याचे आवाहन युवक काँग्रेसचे‎ प्रदेशाध्यक्ष कुणाल राऊत यांनी केले.‎ अहमदनगर शहर व जिल्हा युवक‎ काँग्रेसची आढावा बैठक राऊत यांच्या‎ अध्यक्षतावाली शासकीय विश्रामगृह येथे‎ झाली.

यावेळी प्रदेश उपाध्यक्ष प्रशांत‎ ओगले, प्रदेश महासचिव दिपाली ससाणे,‎ प्रदेश सचिव राहूल उगले, युवक सचिव‎ योगेश काळे, सहसचिव सोमनाथ पाबले,‎ शहर प्रभारी दिनेश चोथवे, सुनील‎ नागरगोजे, अहमदनगर ग्रामिण जिल्हाध्यक्ष‎ स्मितल वाबळे, मोहसिन शेख आदी‎ उपस्थित होते.‎ या बैठकीत जिल्ह्यातील प्रत्येक‎ विधानसभा क्षेत्राची संघटनात्मक प्रगती,‎ उद्भवणाऱ्या समस्या व कार्यकर्त्यांच्या‎ नेतृत्वाकडून अपेक्षा यासह विविध‎ विषयांवर चर्चा झाली.तसेच २० मार्चच्या‎ आंदोलनात सहभागी होण्याचे आवाहन‎ केले.‎ शहरात आगामी डिसेंबर महिन्यात‎ महानगरपालिकेची निवडणूक होणार‎ आहे, त्यात ५० टक्के जागा, युवकांना‎ मिळाव्यात, अशी मागणी प्रदेश युवक‎ काँग्रेस यांच्या वतीने करण्यात आली.‎ त्यावर राऊत यांनी मागणी मान्य करत‎ युवकांना जास्तीत जास्त संधी देण्याचे‎ आश्वासन दिले.‎