पुरवठ्यातील विस्कळितपणा:विस्कळीत पाणी पुरवठ्यावर मनपाच्या‎ अंदाजपत्रकीय सभेत पुन्हा चर्चाच‎

अंदाजपत्रकीय सभेनंतर झालेल्या‎ स्थायी समितीच्या सभेत सभापती‎ गणेश कवडे यांच्यासह सदस्यांनी‎ विस्कळीत पाणी पुरवठ्यावर पुन्हा‎ एकदा आवाज उठवला. मात्र,‎ उपायुक्त यशवंत डांगे यांनी आर्थिक‎ अडचणीचे कारण देत जोपर्यंत‎ आर्थिक उत्पन्नाचे सोर्स सुधारत‎ नाहीत, तो पर्यंत अशीच परिस्थिती‎ राहील, असे स्पष्ट केले व सदस्यांची‎ बोलती बंद केली. अखेर सभापती‎ कवडे यांनी काहीतरी करा, असे‎ म्हणत हा विषयच गुंडाळला.‎ मागील महिन्यात पाणीपट्टी‎ वाढवण्यास नकार देणाऱ्या स्थायी‎ समितीची उपायुक्त यशवंत डांगे यांनी‎ सोमवारी चांगलीच कोंडी केली. सभेत‎ पाणी पुरवठ्यातील विस्कळितपणावर‎ सभापती कवडेंसह सभागृह नेते विनित‎ पाऊलबुद्धे व अन्य नगरसेवकांनी जाब‎ विचारला.

आमच्या प्रभागात घाण‎ पाणीपुरवठा होत असून, पाइपलाइनचे‎ लिकेज काढण्यासाठी जमीन‎ खाेदायला मनपाकडून माणसे मिळत‎ नाहीत. त्यामुळे आमच्या नागरिक‎ बाहेरून विकतचे पाणी आणतात,‎ अशी व्यथा सभापती कवडेंनी मांडली.‎ त्यावर अभियंता निकम यांनी उत्तर‎ देताना पाणीपुरवठा विभागाला पुरेसे‎ मनुष्यबळ नसल्याचे स्पष्ट केले.‎ सभापती कवडे यांनी उपायुक्त यशवंत‎ डांगेंना याबाबत विचारला.‎ आऊटसोर्सच्या लोकांच्या कामाची‎ देयके देण्यासाठी पैसे नाहीत,‎ ठेकेदारांची देयके आपण वेळेवर देऊ‎ शकत नाही, म्हणून लेबर कमी दिले‎ जातात व त्यामुळे या कामात‎ विस्कळितपणा आला आहे. जोपर्यंत‎ मनपाचे आर्थिक सोर्स सुधारत नाहीत,‎ तोपर्यंत हीच स्थिती राहील, असे डांगे‎ यांनी यावर स्पष्ट केले. त्यानंतर‎ डांगेसाहेब, काहीतरी करा, असे म्हणत‎ सभापती कवडेंनी हा विषयच गुंडाळून‎ टाकला.‎ दरम्यान, स्थायी समितीत काँग्रेस‎ नगरसेविका रुपाली वारे यांनी मनपा‎ पाणीपुरवठा विभागप्रमुख यंत्र‎ अभियंता परिमल निकम यांचे जाहीर‎ आभार मानून त्यांचे अभिनंदनही‎ केले. नवनागापूर येथे मनपा‎ पाणीपुरवठा योजनेच्या पाईपलाईनला‎ बेकायदेशीरपणे घेतले गेलेले‎ बेकायदेशीर पाणी कनेक्शन्स निकम‎ यांनी तोडून बंद करून टाकले.‎ राजकीय दबावाची तमा न बाळगता‎ निकम यांनी केलेल्या या‎ कारवाईबद्दल त्यांचे अभिनंदन व वारे‎ यांनी केले.‎