उपोषण‎:जि. प. ने खरेदी केलेल्या‎ साहित्याची चौकशी करा‎

जिल्हा परिषदेच्या समाज कल्याण व महिला‎ बालकल्याण विभागाकडून २०१८ ते २०२३ या‎ कालावधीत खरेदी केलेल्या साहित्याची‎ चौकशी करावी, यासह अन्य मागण्यासाठी‎ जिल्हा परिषदेच्या माजी सदस्यासह ढिग़ावा‎ ग्रामपंचायतचे उपसरपंच व ग्रामस्थांनी नगर‎ जिल्हाधिकारी कार्यालया समोर उपोषण‎ सुरू केले आहे.‎ जिल्हा परिषदेचे माजी सदस्य अनिल‎ ठवाळ यांच्या नेतृत्वाखाली ढिग़ावा‎ ग्रामपंचायतच्या उपसरपंच अनुराधा ठवाळ,‎ गोपीनाथ दांगडे, सुनील पवार, रोहिदास‎ दांगडे, रवींद्र गलांडे, मिलिंद कदम,‎ रावसाहेब दांगडे, ज्ञानदेव शिंदे, बबन भैलुमे,‎ बबन कदम आदी उपोषणात सहभागी झाले‎ आहेत. याबाबत जिल्हाधिकारी‎ कार्यालयाला अनिल पवार यांनी दिलेल्या‎ निवेदनात म्हटले आहे की, जिल्हा परिषद‎ समाज कल्याण, महिला बालकल्याण‎ विभागाने खरेदी केलेल्या साहित्याची‎ चौकशी होणे गरजेचे आहे.

जिल्हा‎ परिषदेच्या सर्व चौदा विभागातील सर्व‎ कामकाजाचे ऑडिट व्हावे अशा मागण्या या‎ निवेदनात करण्यात आले आहे.‎ जिल्हा परिषदेचे मुख्य कार्यकारी‎ अधिकारी आशिष येरेकर यांच्या‎ कार्यकाळात झालेल्या सर्व कामकाजाची‎ चौकशी करून त्यांची बदली करण्यात यावी.‎ येरेकर हे जिल्हा परिषदेत आलेल्या‎ पदाधिकाऱ्यांना किंमत देत नाहीत. असा‎ आरोप ठवाळ यांनी केला.‎ समाज कल्याण समितीने २०२१ -२०२२‎ ला ९ कोटीं चे क्रीडा साहित्य खरेदी‎ ग्रामपंचायत हद्दीतील नवबौद्ध घटकांना हे‎ साहित्य देण्याचे ठरवण्यात आले‎ होते‌.साहित्य देखील वाटप झाले मात्र‎ प्रत्यक्षात १९९ ग्रामपंचायत कोणत्या दलित‎ वस्तीला हे साहित्य दिले हे सर्व संशयास्पद‎ आहे. अनेक ग्रामपंचायत या दलित वस्ती‎ सोडून निधीचा गैरवापर करत आहेत.‎