शैक्षणिक:चार नेमक्या काढा रेषा, विटा विटांच्या भिंती सरशा‎

मोबाइलचे युग आले मोबाइलचे ,फुगेवाला‎ आला फुगेवाला , चार नेमक्या काढा रेषा, विटा‎ विटांच्या भिंती सरशा,अशा पाठ्यपुस्तकातील‎ आपल्या कवितेच्या सुरांनी गुलमोहर रोड वरील‎ पालवी शिशुविहार गजबजून गेले होते. निमित्त‎ होतं परिवर्तन प्रतिष्ठान आयोजित मराठी‎ कविता पाठांतर स्पर्धेचे.‎ पालकांनी मुलांना मराठी साहित्याची‎ ओळख करुन देऊन मराठी पुस्तकं, काव्य‎ वाचण्यासाठी प्रोत्साहन दिले तर आपली मराठी‎ भाषा कायम आपल अस्तित्व टिकून राहील.‎ ही यामागची भुमिका होती. पहिली ते दुसरी,‎ तिसरी ते चौथी आणि पाचवी ते सातवी अशा‎ तीन गटांत ही स्पर्धा घेण्यात आली. मोठ्या‎ गटातील मुलांनी कविता सादरीकरणा बरोबरच‎‎‎‎‎‎‎‎‎‎‎‎‎‎ त्याचा भावार्थही सांगितला.

या काव्य स्पर्धेला‎ नगर मधील लेखक सदानंद भणगे प्रमुख‎ पाहुणे म्हणून उपस्थित होते. स्पर्धेचे परीक्षण‎ आदर्श शिक्षिका साईगीता सब्बन आणि‎‎‎‎‎‎‎‎‎‎‎‎‎‎ कल्लोतीर्थ, अनादिसिध्दा या दोन‎ कादंबऱ्यांची लेखिका भूपाली निसाळ यांनी‎ केले. भाषा हे संवादाचे आणि कविता हे‎ अभिव्यक्तीचे उत्तम माध्यम असल्याने अशा‎ स्पर्धांमधुन मराठी भाषेची गोडी कायम‎ राहावी.आणि भावी पिढीची मराठी भाषेशी‎ असलेली नाळ कधीही तुटू नये असं मत‎ मान्यवरांनी व्यक्त केलं.‎ निकाल पुढीलप्रमाणे : माेठा गट : प्रबोधिनी‎ पठाडे- प्रथम, श्रावणी तेलंग - द्वितीय, ईशान‎ खानविलकर- तृतीय.‎ छोटा गट क्र.१ भार्गवी ओंकार‎ वाळूंजकर-प्रथम, ऋचा अतुल शेवगांवकर-‎ द्वितीय, साई उन्हवणे- तृतीय, तन्मय अविनाश‎ गोटे - उत्तेजनार्थ. छोटा गट क्र.२ शुभ्रा जोशी-‎ प्रथम, पूर्वा अविनाश सरोदे- द्वितीय, स्वामीनी‎ अवधूत कुलकर्णी- तृतीय. यावेळी प्रतिष्ठानचे‎ अध्यक्ष अशोक करंदीकर, डॉ. ए. वाय.‎ कुलकर्णी व अन्य सदस्य उपस्थित होते.‎ सूत्रसंचालन अश्विनी भालेराव यांनी, तर‎ आभार प्रज्ञा असनीकर यांनी मानले.‎