अनास्था:बेशिस्त वाहतुकीमुळे रुग्णवाहिकांची वाट बिकट‎

शहरातील महामार्ग लगत वाढत‎ चाललेले अतिक्रमण आणि बेशिस्त‎ वाहतूक, यामुळे अत्यवस्थ रुग्णांना‎ रुग्णालयात घेऊन जाणाऱ्या‎ रुग्णवाहिकांच्या मार्गात अडथळे येत‎ आहेत. नगरमध्ये वाहतूक कोंडीची‎ समस्या नित्याचीच आहे. पण बेशिस्त‎ वाहनचालकांमुळे काही मिनिटांचे अंतर‎ पार करण्यासाठी रुग्णवाहिकांना अर्धा ते‎ पाऊण तास विलंब होत आहे.‎

अहमदनगर शहर हे गेल्या काही‎ वर्षांपासून हॉस्पिटल हब म्हणून‎ ओळखले जात आहे. छोट्या मोठ्या‎ आजारांपासून ते गंभीर आजाराम पर्यंत‎ तातडीने उपचार करणारे अद्ययावत‎ दवाखाने नगर शहरात सुरू झालेले‎ आहेत यापैकी बहुतांश रुग्णालय‎‎‎‎‎‎‎‎‎‎‎‎‎ महामार्गालगत आहेत. या रुग्णालयापर्यंत‎ जाण्याचे मार्ग मात्र अरुंद झाल्याचे चित्र‎ दिसत आहे.

नगर पुणे महामार्ग, नगर‎ मनमाड महामार्ग, तसेच काही‎ शहरांतर्गत गल्लीबळांमध्ये‎ मल्टीस्पेशालिटी हॉस्पिटल्स आहेत.‎ शहरातील वाहतूक कोंडीतून या‎‎‎‎‎‎‎‎‎‎‎‎‎ रुग्णालयापर्यंत जाताना रुग्णवाहिकांची‎ मात्र दमछाक होताना दिसत आहे. नगर‎ मनमाड महामार्गावर अनेक ठिकाणी‎ अतिक्रमण वाढलेले आहे त्यामुळे‎ वाहतूक कोंडी वाढत आहे. अत्यवस्थ‎ रुग्णाला घेऊन जाणाऱ्या रुग्णवाहिकेला‎ प्राधान्याने वाट मोकळी करून देणेऐवजी‎‎‎‎‎‎‎‎‎‎‎‎‎ रुग्णवाहिकेच्या पुढे जाण्याची‎ अहमहमिका लागल्याचे चित्र अनेकदा‎ दिसून येते.‎ यामुळेही होते वाहतूक कोंडी‎ काही रुग्णालया शेजारी खाद्यपदार्थांची‎ विक्री करणारे विक्रेते, व्यवसायिकांनी‎ रस्त्यावर अतिक्रमण केले आहे.‎‎‎‎‎‎‎‎‎‎‎‎‎‎ रस्त्यावर गाड्या पार्क केल्या जातात.‎ त्यामुळे वाहतुकीस अडथळा निर्माण‎ होत आहे. नगर शहरात दिवसातून‎ दोन-तीनदा तरी वाहतूक कोंडीमध्ये‎ सायरन वाजवणारी रुग्णवाहिका‎ अडकल्याचे चित्र दिसते.‎

महामार्गांवरच वाहनांची पार्किंग‎ नगर ते मनमाड महामार्गावर अनेक‎ ठिकाणी कार सजावटीची दुकाने आहेत.‎ या दुकानांसमोर बेशिस्तपणे वाहने‎ पार्किंग केलेली असतात त्यामुळे ही‎ वाहतूक कोंडीत भर पडत आहे. काही‎ दुकाने रुग्णालयाशेजारीच आहेत.‎ त्यामुळे अत्यवस्थ रुग्णांना घेऊन‎ जाणाऱ्या रुग्णवाहिकांचा रस्ता अडवला‎ जातो.‎ अडथळा निर्माण कराल तर...‎ सन १९८८ च्या मोटार वाहन कायद्यातील‎ कलम १९४ ई नुसार अत्यवस्थ रुग्णाला‎ घेऊन जाणारा रुग्णवाहिकेला प्राधान्याने‎ रस्ता देणे क्रमप्राप्त आहे. रुग्णवाहिकेच्या‎ मार्गात अडथळा निर्माण करणाऱ्याला १०‎ हजार रुपयांपर्यंत दंड करण्याची तरतूद‎ आहे. त्यामुळे रुग्णवाहिकांच्या मार्गात‎ अडथळे आणू नयेत.‎ अॅड. मंगेश दिवाणे, सहायक सरकारी‎ वकील, नगर.‎

अडथळा निर्माण कराल तर...‎ सन १९८८ च्या मोटार वाहन कायद्यातील‎ कलम १९४ ई नुसार अत्यवस्थ रुग्णाला‎ घेऊन जाणारा रुग्णवाहिकेला प्राधान्याने‎ रस्ता देणे क्रमप्राप्त आहे. रुग्णवाहिकेच्या‎ मार्गात अडथळा निर्माण करणाऱ्याला १०‎ हजार रुपयांपर्यंत दंड करण्याची तरतूद‎ आहे. त्यामुळे रुग्णवाहिकांच्या मार्गात‎ अडथळे आणू नयेत.‎ अॅड. मंगेश दिवाणे, सहायक सरकारी‎ वकील, नगर.‎

महामार्गांवरच वाहनांची पार्किंग‎ नगर ते मनमाड महामार्गावर अनेक‎ ठिकाणी कार सजावटीची दुकाने आहेत.‎ या दुकानांसमोर बेशिस्तपणे वाहने‎ पार्किंग केलेली असतात त्यामुळे ही‎ वाहतूक कोंडीत भर पडत आहे. काही‎ दुकाने रुग्णालयाशेजारीच आहेत.‎ त्यामुळे अत्यवस्थ रुग्णांना घेऊन‎ जाणाऱ्या रुग्णवाहिकांचा रस्ता अडवला‎ जातो.‎