ऊसतोड कामगाराचा मुलगा पहिला‎:ऊसतोडणी करून दिले शिक्षण;‎ मुलाची एमपीएससीमध्ये बाजी‎

पाटोदा‎ वडील एका पायाने अपंग तर आईला‎ अक्षरओळख नाही. घरची परिस्थिती बेताची. पण‎ अशा स्थितीतही मुलाला घडवायचे स्वप्न उराशी‎बाळगत दांपत्याने कधी‎ऊसतोडणी तर कधी‎मजुरीच्या पैशातून मुलाच्या‎शिक्षणाचा खर्च भागवला.‎आई-वडिलांच्या कष्टाचे‎चीज करत पाटोदा‎तालुक्यातील सावरगाव घाट‎ येथील संतोष आजिनाथ खाडेने कुठलेही क्लास‎ न लावता घरीच अभ्यास करून आणि‎ मोबाइलपासून तीन वर्षे दूर राहून महाराष्ट्र‎ लोकसेवा आयोगाच्या परीक्षेत राज्यात १६ वी रँक‎ मिळवली. एनटीडी प्रवर्गातून तो राज्यातून प्रथम‎ आला.‎

सावरगाव घाट गावाजवळील खाडे वस्तीवर‎ वडील आजिनाथ खाडे, आई सरूबाई, दोन‎ मुली आणि संतोष असे पाच जणांचे कुटुंब‎ राहते. त्यांना साडेचार एकर कोरडवाहू जमीन‎ आहे. संतोषचे प्राथमिक शिक्षण खाडे‎ वस्तीवरील जि. प. शाळेत झाले. पुढे‎ टाकळीच्या आश्रमशाळेत शिक्षण घेतल्यांनतर‎ पाटोदा येथील भामेश्वर विद्यालयात त्याने‎ शालेय शिक्षण पूर्ण केले. अकरावी-बारावीचे‎ शिक्षण तालुक्यातील मुगगाव येथे तर पदवीचे‎ शिक्षण बीडच्या बलभीम महाविद्यालयात पूर्ण‎ केले. नंतर स्पर्धा परीक्षेची तयारी सुरू केली.‎