निवड‎:क्रेडाई महाराष्ट्रच्या सहसचिवपदी‎ नगरचे आशिष पोखर्णा यांची निवड‎

रियल इस्टेट क्षेत्रात देशपातळीवर बांधकाम‎ व्यावसायिकांचे प्रश्न मांडणारी व ग्राहकांना दर्जेदार सुविधा‎ ‎ देण्यासाठी अनेक नाविन्यपूर्ण उपक्रम‎ ‎ रावणारि संघटना म्हणून क्रेडाईची‎ ‎ ओळख आहे. क्रेडाई महाराष्ट्र‎ ‎ संघटनेची २०२३-२५ या वर्षासाठीची‎ ‎ नूतन कार्यकारिणी जाहीर झाली.‎ ‎ क्रेडाईचे राष्ट्रीय चेअरमन सतिश मगर‎ यांच्या मान्यतेने क्रेडाई महाराष्ट्रच्या अध्यक्षपदी औरंगाबाद‎ येथील प्रमोद खैरनार तर सहसचिवपदी नगरच्या आशिष‎ पोखर्णा यांनी निवड करण्यात आली.पोखर्णा हे क्रेडाई‎ अहमदनगरचे माजी अध्यक्ष आहेत.

दहा वर्षांपासून ते‎ क्रेडाई महाराष्ट्रच्या विविध पदांवर कार्यरत आहेत. त्यांनी‎ क्रेडाई महाराष्ट्र व क्रेडाई अहमदनगरसाठी दिलेल्या‎ योगदानाची दखल घेत व त्यांच्या कामाचा अनुभव पाहता‎ त्यांची प्रथमच क्रेडाई महाराष्ट्रच्या सहसचिवपदी निवड‎ झाली. या निवडीबद्दल प्रतिक्रिया देताना पोखर्णा म्हणाले,‎ माझ्यावर क्रेडाई महाराष्ट्रच्या सहसचिवपदाची जबाबदारी‎ विश्वासाने सोपवली आहे. हा विश्वास सार्थ ठरवणारे‎ काम करण्याचा प्रयत्न राहील. या पदाच्या माध्यमातून‎ बांधकाम व्यावसायिकांचे व ग्राहकांचे प्रश्न‎ सोडवण्यासाठी निश्चितच प्रयत्न करेल.‎