शैक्षणिक:दडपण न घेता परीक्षेला सामोरे जा, यशस्वी व्हाल‎

शालेय जीवनात दहावीची परीक्षा‎ विद्यार्थ्यांच्या दृष्टीने महत्त्वाची‎ आहे. वर्षभर शिक्षकांनी‎ शिकवलेला अभ्यास आणि‎ विद्यार्थ्यांनी केलेल्या मेहनतीची व‎ कष्टाचे फळ या परिक्षेत्र मिळणार‎ आहे. कोणत्याही प्रकारचे दडपण न‎ घेता विद्यार्थ्यांनी परिक्षेला सामोरे‎ जावे, तुम्ही नक्कीच यशस्वी व्हाल,‎ असे प्रतिपादन जिल्हा मराठा विद्या‎ प्रसारक समाज संस्थेचे अध्यक्ष‎ नंदकुमार झावरे यांनी केले.‎

रेसिडेन्शियल हायस्कूल येथे‎ दहावीच्या विद्यार्थ्यांना जिल्हा मराठा‎ विद्या प्रसारक समाज संस्थेचे‎ अध्यक्ष झावरे यांनी परीक्षेसाठी‎ गुलाबपुष्प देऊन स्वागत करुन‎ शुभेच्छा दिल्या. याप्रसंगी उपाध्यक्ष‎ रामचंद्र दरे, प्राचार्य विजयकुमार‎ पोकळे, उपप्राचार्या संगिता ठुबे,‎ पर्यवेक्षक धनंजय म्हस्के, अर्जुन‎ भुजबळ उपस्थित होते.‎

प्राचार्य विजयकुमार पोकळे‎ म्हणाले, आजपासून दहावीची‎ परीक्षा सुरु होत असल्याने‎ विद्यार्थ्यांचा उत्साह वाढावा व त्यांना‎ प्रोत्साहन मिळावे, यासाठी संस्थेच्या‎ पदाधिकाऱ्यांनी त्यांचे स्वागत करुन‎ शुभेच्छा दिल्या आहे.‎ विद्यालयाच्यावतीने विद्यार्थ्यांच्या‎ सोयी-सुविधा उपलब्ध करुन‎ देण्यात आल्या आहे. कॉपीमुक्त‎ सेंटरसाठी विविध उपाययोजना‎ करण्यात आले आहे. परिक्षांचे‎‎‎‎‎‎‎‎‎‎‎‎‎‎‎‎ चित्रकरण करण्यात येत आहे.‎ त्याचबरोबर पोलिस बंदोबस्तही‎ ठेवण्यात आला आहे. शिक्षण‎‎‎‎‎‎‎‎‎‎‎‎‎‎‎‎ विभागाचे भरारी पथकही या‎ ठिकाणी येऊन आढावा घेत‎ असल्याचे त्यांनी सांगितले. यावेळी‎‎‎‎‎‎‎‎‎‎‎‎‎‎‎‎ विद्यार्थ्यांना सोडवण्यासाठी‎ आलेल्या पालकांची मोठी गर्दी‎ झाली होती.‎