फसवणूक:अग्निवीरमध्ये भरती‎ झाल्याचे बनावट कॉल लेटर‎; अहमदनगरमध्ये टोळी उघडकीस, सहा जणांविरुद्ध गुन्हा दाखल‎

नगर‎ अग्निवीरमध्ये भरती झाल्याचे बनावट‎ कॉल लेटर घेऊन येथील एमआयसी‎ अ‍ॅण्ड एसमध्ये ट्रेनिंगसाठी आलेल्या‎ चौघांची बनवेगिरी उघड झाली आहे.‎

त्यांच्यासह बनावट कॉल लेटर देणारे‎ दोघे, अशा सहा जणांवर भिंगार कॅम्प‎ ठाण्यात सैन्य दलाची फसवणूक‎ केल्याप्रकरणी गुन्हा दाखल करण्यात‎ आला आहे. या सहा जणांची टोळी‎ जेरबंद करण्यात आली असून, त्यांना‎ न्यायालयाने पोलिस कोठडी सुनावली‎ आहे.‎

एमआयसी अ‍ॅण्ड एसमधील आयटी‎ बटालीयनचे सुभेदार शिवाजी काळे‎ (मुळ रा. डोंगरगण ता. नगर) यांनी‎ फिर्याद दिली आहे. आदर्श कुंशवाह (वय‎ १९ रा. रात्योरा पो. करपिया ता. कोरॉन जि.‎ प्रयागराज, उत्तर प्रदेश), मोहितकुमार‎ यादव (वय २५ रा. कासीमाबाद सारंगपूर‎ पो. दांडूपूर ता. करचना जि. प्रयागराज,‎ उत्तर प्रदेश), आनंद श्याम नारायण शर्मा‎ (वय २३ रा. सडवा कला पी. सी गेट‎ जवळ, पो. टीएसएल ता. करचना जि.‎ प्रयागराज, उत्तर प्रदेश), अंशु राजेंद्र‎ कुमार पटेल (वय २० रा. मांझीगांव‎ मरोका पो. दांडी, ता. करचना जि.‎ प्रयागराज, उत्तर प्रदेश), लोकेशकुमार‎ राजपूत (वय २५ रा. मिरजापुर ता. जि.‎ गौतमबुध्दनगर, उत्तरप्रदेश) व गोपाल‎ चौधरी (वय २० रा. शिखरना पो. छरा,‎ ता. हातरोली, जि. अलीगढ, उत्तरप्रदेश)‎ अशी आरोपींची नावे आहेत.‎

२३ मे रोजी रात्री आदर्श कुंशवाह,‎ मोहितकुमार यादव, आनंद श्याम‎ नारायण शर्मा व अंशु राजेंद्र कुमार पटेल‎ हे त्यांच्या नावाचे कॉल लेटर घेऊन‎ आले.‎ गेटवरील बटालीयनचे आर. पी.‎ हवालदार तलवीदंर सिंह यांनी या मुलांची‎ कागदपत्रे तपासली असता त्यांना संशय‎ आला. त्यांनी बटालीयनचे सुभेदार मेजर‎ सत्यवीर सिंह, अ‍ॅड्युडेट मेजर राजपूत‎ यांना चार मुलांचे कॉल लेटर हे बनावट‎ असल्याचा रिपोर्ट दिला. त्यानंतर २४ मे‎ रोजी सकाळी साडेआठ वाजता आयटी‎ बटालीयन ऑफिसमध्ये मेजर संजया‎ बिशनोई यांच्यासमोर त्या चौघांना हजर‎ केले.‎

या चौघांनी ट्रेनिंगसाठी सादर केलेले कॉल‎ लेटर हे बनावट असल्याचे समोर आले.‎ या चारही मुलांकडे चौकशी केली असता‎ हे बनावट लेटर लोकेशकुमार राजपूत व‎ गोपाल चौधरी यांनी दिल्याचे त्यांनी‎ सांगितले. ते नगरमध्ये असल्याची माहिती‎ पोलिसांना मिळताच त्यांनाही ताब्यात घेत‎ अटक करण्यात आली आहे.‎