विश्वास‎:देवस्थानांच्या विकासासाठी निधी‎ उपलब्ध करुन देणार ; राम शिंदे‎

श्री विशाल गणेशाच्या दर्शनाने‎ सर्वांच्याच मनोकामना पूर्ण होतात.‎ अनेक भाविकांची श्रद्धा असल्याने‎ राज्यभर प्रसिद्धीस पावलेला हा श्री‎ विशाल गणेश आहे. देवस्थानचा‎ झालेला सुबक आणि सुंदर जीर्णोद्धार ‎आकर्षक आहे. देवालय ही‎ प्रेरणास्थाने असून, त्यांचा सर्वांगीण‎ विकास झाला पाहिजे, यासाठी राज्य‎ सरकारच्या माध्यमातून जास्तीत‎ जास्त विकासनिधी देण्याचा प्रयत्न‎ आहे.

प्रत्येक देवस्थानची वेगळी‎ महती असून, ती सर्वांपर्यंत पोहचली‎ पाहिजे. त्यादृष्टीने प्रयत्न करणार‎ असल्याचे प्रतिपादन प्रदेश भाजपाचे‎ नूतन प्रवक्ते आमदार राम शिंदे यांनी‎ केले.‎ शहराचे ग्रामदैवत श्री विशाल‎ गणेश मंदिर देवस्थानातर्फे शिंदे यांचा‎ सत्कार करण्यात आला. सत्काराला‎ उत्तर देताना ते बोलत होते. या वेळी‎ देवस्थानाचे अध्यक्ष अ‍ॅड. अभय‎‎‎‎‎‎‎‎‎‎ आगरकर, उपाध्यक्ष पंडितराव‎ खरपुडे, विश्वस्त नितीन पुंड, ज्येष्ठ‎ नेते सदा देवगावकर, सुनील‎ रामदासी, वसंत लोढा, प्रा. भानुदास‎ बेरड, दामोदर बठेजा, सुवेंद्र गांधी,‎ सचिन पारखी, अ‍ॅड. विवेक नाईक,‎ तुषार पोटे, महेश नामदे, किशोर बोरा,‎ बाळासाहेब गायकवाड, अनंत देसाई,‎ प्रदीप परदेशी, राजू सातपुते, राजू‎ एकाडे, युवराज पोटे, अनिल‎ सबलोक, बंटी ढापसे, ऋषीकेश‎ आगरकर आदी उपस्थित होते.‎

अभय आगरकर म्हणाले, की श्री‎ विशाल गणेशाचे आशीर्वाद‎ घेण्यासाठी अनेक भाविक या‎‎‎‎‎‎‎‎‎‎ ठिकाणी येत असतात. देवस्थानच्या‎ माध्यमातून भाविकांना सर्वोतोपरी‎ सुविधा पुरविण्यात येत आहेत.‎ शासनाच्या तीर्थक्षेत्र विकास‎ आराखड्यातून जास्तीत जास्त निधी‎ मिळाल्यास, अनेक सुविधा उपलब्ध‎ करुन देणे सोपे होईल. त्यासाठी शिंदे‎ यांनी प्रयत्न करावेत. त्यांच्या रुपाने‎ नगरला एक अभ्यासू नेतृत्व लाभले‎ आहे. त्यांच्या माध्यमातून‎ जिल्ह्यातील विकासाला नक्कीच‎ चालना मिळेल, असा विश्वास‎ व्यक्त केला. शिंदे यांच्या हस्ते आरती‎ करण्यात आली. प्रास्तविक नितीन‎ पुंड यांनी केले.