प्रात्यक्षिक:मुली निर्भयपणे दृष्ट प्रवृत्तीला रोखण्याचे‎ काम स्वसंरक्षणातून करतील : फिरोदिया‎

मुलींना स्वसंरक्षणाचे धडे, ही‎ काळाची गरज बनली आहे. शाळेत‎ विद्यार्थिनींना संस्कार, शिक्षण व‎ स्वसंरक्षाणाचे धडे देऊन त्यांना‎ स्वयंपूर्ण व आत्मनिर्भर केले जात‎ आहे. अंगावर आलेल्या दृष्ट‎ प्रवृत्तीच्या हाताला निर्भयपणे‎ रोखण्याचे काम मुली स्वसंरक्षणातून‎ करतील, असा विश्वास संस्थेच्या‎ प्रमुख कार्यवाह छायाताई फिरोदिया‎ यांनी व्यक्त केला.‎ अहमदनगर एज्युकेशन‎ सोसायटीच्या भाऊसाहेब फिरोदिया‎ हायस्कूलमध्ये मुलींना स्वसंरक्षणाचे‎ धडे देण्यात आले. स्वसंरक्षणतंर्गत‎ मुलींना कराटे, ज्युदो, लाठी-काठीचे‎‎‎‎‎‎‎‎‎‎‎‎‎‎‎ प्रात्यक्षिक दाखवण्यात आले.‎

त्यावेळी त्या बाेलत हाेत्या. संस्थेच्या‎ प्रमुख कार्यवाह फिरोदिया व प्राचार्य‎ उल्हास दुगड यांच्या संकल्पनेतून हा‎‎‎‎‎‎‎‎‎‎‎‎‎‎‎ उपक्रम पार पडला. यावेळी‎ प्रियदर्शनी रोटरी क्लबच्या अध्यक्षा‎ निलमणी गांधी, सदस्या वैशाली‎ कोलते, लता भगत, ज्योती गांधी,‎ उपप्राचार्या सुषमा चिटमील,‎ पर्यवेक्षक रावसाहेब बाबर, रवींद्र‎ शिंदे, आशा सातपुते आदी उपस्थित‎ होत्या. प्रास्ताविकात नीलमणी गांधी‎ यांनी महिला व युवतींसाठी‎ प्रियदर्शनी रोटरी क्लबच्या‎ माध्यमातून सुरु असलेल्या‎ सामाजिक कार्याची माहिती दिली.‎ शाळेच्या वतीने पाहुण्यांचे स्वागत‎ करण्यात आले. शिवछत्रपती‎ पुरस्कार विजेत्या अंजली वल्लाकट्टी‎ यांनी विविध प्रात्यक्षिके सादर करून‎ मुलींना स्वतःचे संरक्षण करण्याचे‎ धडे दिले. कोणताही कठीण प्रसंग‎ आला तरी, प्रसंगावधान राखून स्वतः‎ जवळ असणाऱ्या हत्याररुपी‎ अवयवांचा कसा उपयोग करावा? हे‎ प्रात्यक्षिकातून दाखवून दिले.‎