आव्हान:अकोल्यातील दारुविक्री पाहण्यासाठी ‘सरप्राईज व्हिजीट’ द्या‎, हेरंब कुलकर्णी यांचे‎ पोलिस अधीक्षकांना निमंत्रण‎

अकोले तालुक्यात अवैध दारूविक्री व‎ अनैतिक व्यवसायात प्रचंड वाढ झाली‎ ‎ आहे. अकोले शहरात‎ ‎ शाहूनगर येथून व‎ ‎ अधिकृत दारूबंदी‎ ‎ असलेल्या राजूर‎ ‎ परिसरातून खुलेआम‎ ‎ अवैध दारूविक्री होत‎ असल्याचा आरोप दारूबंदी आंदोलनाचे‎ निमंत्रक हेरंब कुलकर्णी यांनी केला.‎

पोलीस अधीक्षक राकेश ओला यांनी ‎ शासकीय गाजावाजा न करता,‎ अकोल्याला ‘सरप्राईज व्हिजीट’‎ करण्याचे आवाहन कुलकर्णी यांनी केले ‎ ‎ आहे.‎ जिल्ह्यातील अवैध धंद्यांतील‎ गुन्हेगारांवर अंकुश ठेवण्यात अकोले व‎ राजूर पोलीस कुचकामी ठरले आहेत.‎ अकोले शहरासह तालुक्यातील ग्रामीण‎ भागात अवैध धंदे वाढले आहेत.‎ विशेषत: बेकायदा दारूविक्री‎ करणाऱ्यांवर पोलीस चांगलेच मेहरबान‎ झाल्याचे दिसून येते.

पोलीस अधिक्षक‎ राकेश ओला यांनी शहानिशा‎ करण्यासाठी अकोल्यात व राजूर‎ परिसराला अचानक भेट द्यावी. अवैध‎ दारूची बोकाळलेली वस्तूस्थिती‎ पाहावी, असे निमंत्रणच कुलकर्णी यांनी‎ अधिक्षक ओला यांना निवेदन धाडून‎ दिले आहे. संगमनेर येथील उत्पादनशुल्क‎ विभाग व अकोले व राजूर पोलीसांच्या‎ ‎ ‎ ‎ ‎ ‎कृपादृष्टीने हा प्रकार सुरू असल्याचा‎ आरोपही त्यांनी केला आहे. पोलीस‎ प्रमुखांना हे पाहायला, यायला जमत‎ नसेल, अवैध धंद्यांवर अंकुश ठेवण्यात‎ वेळ मिळालाच नाही, तर पुन्हा‎ शाहूनगरमध्ये बेमुदत आमरण उपोषण‎ आंदोलन करण्याचा इशारा या‎ निवेदनातून दिला आहे.

निवेदनात‎ नमूद केले आहे, की १५ ऑगस्ट २०२२‎ च्या आंदोलनानंतर बंद झालेली अवैध‎ दारू पुन्हा शाहूनगर, कोतूळ, राजूर,‎ देवठाण, समशेरपूर, गणोरे, लिंगदेव,‎ चास, इंदोरी फाटा, वीरगाव फाटा येथून‎ वाढली आहे. संगमनेर, ठाणगाव,‎ आळेफाटा येथून अवैध दारूच्या‎ चारचाकी गाड्या येतात, पण पोलीस व‎ उत्पादन शुल्क ते थांबवत नाहीत.‎ तालुक्यातील निंब्रळ, निळवंडे, इंदोरी व‎ राजूरमध्ये खुलेआम दारूविक्री सुरू‎ आहे.

राजूर व परिसरातील‎ आदिवासीबहुल खडकी, पाडाळणे,‎ शिसवद, रंधा, आंबित, वाकी बंगला येथे‎ खुलेआम दारू विक्री सुरू असून, तेथील‎ अवैध दारू विक्रेत्यांवर वारंवार गुन्हे‎ दाखल करावेत. राजूर येथील अवैध दारू‎ विक्रेत्यांकडून अकोल्यात कोल्हार-घोटी‎ राज्यमार्गावर एक परवानाधारक परमीट‎ रूम व बियर बार चालविण्यास घेतला‎ आहे. येथील व्यवस्थापकाच्या‎ पडद्याआड लाखोंची बनावट‎ देशी-विदेशी दारूची विक्री होते.‎

राजूरमधील या सराईत विक्रेत्यास‎ तडीपार करण्याची मागणी केली आहे.‎ अवैध दारूविक्री ताबडतोब न थांबल्यास‎ लवकरच वरील सर्व गावांतील‎ गावकऱ्यांसह तीव्र आंदोलन करण्याचा‎ इशारा कुलकर्णी यांनी दिला आहे.‎

रस्त्यावर खुलेआम होते दारुविक्री‎ राजूर हे दारूबंदीचे गाव असतानाही हमरस्त्यावर खुलेआम अवैध विक्री होते.‎ इंदोरी फाटा व वीरगाव फाट्यावर हमरस्त्यावरच हॉटेलमधून ही दारू दररोज‎ तालुक्यातील इतर ठिकाणांना पोहोचवली जाते. इंदोरीचे हॉटेल व वीरगाव‎ फाट्यावरील हॉटेल प्रशासनाने सील करावे. येथील सराईत गुन्हेगार तालुक्यातून‎ तडीपार करावेत, अशीही मागणी निवेदनातून केली आहे.‎

रस्त्यावर खुलेआम होते दारुविक्री‎ राजूर हे दारूबंदीचे गाव असतानाही हमरस्त्यावर खुलेआम अवैध विक्री होते.‎ इंदोरी फाटा व वीरगाव फाट्यावर हमरस्त्यावरच हॉटेलमधून ही दारू दररोज‎ तालुक्यातील इतर ठिकाणांना पोहोचवली जाते. इंदोरीचे हॉटेल व वीरगाव‎ फाट्यावरील हॉटेल प्रशासनाने सील करावे. येथील सराईत गुन्हेगार तालुक्यातून‎ तडीपार करावेत, अशीही मागणी निवेदनातून केली आहे.‎