सामाजिक:विविध क्षेत्रातील महिलांचा केला सन्मान‎

‎ नेवासे महिला मंच व भाजप महिला‎ आघाडी यांच्या संयुक्त विद्यमाने‎ महिला दिनाचे औचित्य साधून‎ नेवासे फाटा येथे रविवारी‎ सायंकाळी विविध कार्यक्रमाचे‎ आयोजन केले होते. त्यामध्ये‎ तालुक्यातील विविध क्षेत्रातील‎ महिलानी सहभाग घेतला. प्रारंभी‎ सावित्रीबाई फुले यांच्या प्रतिमेस‎ पुष्पहार अर्पण केला. दीप प्रज्वलन‎ माजी जिल्हा परिषद सदस्य आशा‎ मुरकुटे, भाजप महिला मोर्चाच्या‎ तालुकाध्यक्ष डॉ. निर्मला सांगळे व‎ डॉ. विद्या कोलते यांच्या हस्ते‎ करण्यात आले. विविध क्षेत्रात‎ अग्रगण्य कामगिरी करणाऱ्या‎ महिलांचा सन्मान जय हरी महिला‎ प्रतिष्ठानच्या वतीने आशा मुरकुटे‎ यांच्या हस्ते सन्मानचिन्ह देऊन‎ कला, क्रीडा, शैक्षणिक,‎ सांस्कृतिक, शेती, कुस्ती, कबड्डी या‎ क्षेत्रात आपले नावलौकिक‎ करणाऱ्या महिलांचा सन्मान‎ करण्यात आला.

कुस्तीसारख्या‎ मर्दानी खेळातही नेवासे‎ तालुक्यातील महिला मागे नाहीत,‎ राष्टीय पातळीवर सानिका पवार‎ सुवर्णपदक, धनश्री नवथर‎ राज्यपातळीवर रौप्यपदक मिळवले,‎ त्यांचा सन्मान या वेळी करण्यात‎ आला. यावेळी त्यांना मार्गदर्शक‎ करणारे आंतरराष्ट्रीय पंच निकाळजे‎‎‎‎‎‎‎‎‎‎‎‎‎ यांचाही सन्मान केला. त्यानंतर‎ महिलांनी आपापले कलागुणानुसार,‎ कथक, लावणी व विविध‎ गाण्यांवरील नृत्य सादर केले.‎ त्यानंतर खेळ पैठणीचा या विविध‎‎‎‎‎‎‎‎‎‎‎‎‎ स्पर्धा होऊन विजेत्यास सर्व‎ महिलांना पैठणी भेट देण्यात आली.‎ कार्यक्रमात नेवासे तालुक्यातील‎ कौठा येथील महिला कीर्तनकार‎ योगेश्वरी दरंदले यांनी भेट देऊन‎ महिलांसाठी प्रबोधनपर विचार‎ मांडले. स्पर्धकांचे बक्षीस वितरण‎ सायंकाळी चार वाजल्यापासून रात्री‎ नऊ वाजेपर्यंत महिलांनी‎ कार्यक्रमाचा आनंद घेतला. ज्या‎ महिलांनी स्पर्धेमध्ये सहभाग घेतला‎ त्यांनाही आयोजककडून बक्षीस‎ देण्यात आले. कार्यक्रमाप्रसंगी युवा‎ मोर्चाचे तालुकाध्यक्ष प्रताप चिंधे,‎ भाजपचे तज्ञ मार्गदर्शक डॉ.‎ बाळासाहेब कोलते, सलमान शेख,‎ किशोर जाधव, आर्यन कोलते,‎ वसंत काळे, भाजपचे सोशल‎ मीडियाचे तालुका संयोजक‎ आदिनाथ पटारे, कृषी मित्र भागवत‎ खराडे, हरीश गाडेकर, आकाश‎ पवार आदी यावेळी उपस्थित होते.‎