सन्मान:महिला दिनानिमित्त शहरातील‎ स्वकर्तृत्वान महिलांचा सन्मान‎

महिला दिनाचे औचित्य साधून‎ नगरच्या माहेश्वरी महिला संघटन,‎ राजस्थानी बहू मंडळ व प्रियदर्शनी‎ रोटरी क्लबच्या वतीने शहरातील‎ विविध क्षेत्रात स्वकर्तृत्ववान‎ महिलांचा सन्मान करण्यात आला.‎ पोस्को कायद्या बाबत जनजागृती‎ करणाऱ्या ''अभया'' या एकपात्री‎ नाटकाच्या विशेष प्रयोगाचे आयोजन‎ करण्यात आले होते. श्रीरामकृष्ण‎ एज्युकेशन फाउंडेशनच्या सेठ‎ रामनाथ धूत ऑडिटोरियम येथे‎ झालेल्या कार्यक्रमात अत्याचाराला‎ वाचा फोडणाऱ्या अभया नाटकाने‎ उपस्थित महिला भावूक झाल्या.‎ महिलांसाठी काम करणाऱ्या‎ माहेश्वरी महिला संघटन, राजस्थानी‎ बहू मंडळ व प्रियदर्शनी रोटरी‎ क्लबच्या या तीन संस्था एकत्र येत हा‎ सामाजिक उपक्रम राबवण्यात‎ आला. यामध्ये स्वच्छता अभियान व‎ जनजागृती करणाऱ्या प्रतिभा धूत,‎ हास्य क्लब व योग शिक्षिका मनीषा‎ गुगळे, प्लास्टिक हटाव मोहीम‎ राबवणाऱ्या श्रद्धा बिहाणाी व‎ शैक्षणिक कार्यातील योगदाना बद्दल‎ अहमदनगर एज्युकेशन‎ सोसायटीच्या छाया फिरोदिया आदी‎ स्वकर्तृत्ववान महिलांचा सन्मान‎ करण्यात आला.‎

बालीकांचं लैंगिक शोषण‎ करणाऱ्या आरोपींना कडक शिक्षा‎ व्हावी म्हणून तयार करण्यात‎ आलेल्या पोस्को कायद्या बाबत‎ जनजागृती करणाऱ्या ‘अभया’ या‎ एकपात्री नाटकात अत्याचार‎ झालेल्या सोळा वर्षांच्या अभयाने‎ धैर्याने दिलेला कायदेशीर लढा पाहून‎ उपस्थित महिला भाऊक झाल्या.‎ चिन्मयी स्वामी हिने उत्कृष्ट अभिनय‎ केला. यावेळी अहमदनगर जिल्हा‎ माहेश्वरी महिला संघटनेच्या‎ उपाध्यक्षपदी शोभा काबरा,‎ सचिवपदी सुरेखा मणियार व‎ सांस्कृतिक कार्यक्रम विभाग‎ प्रमुखपदी सुनीता मनियार यांची‎ निवड झाली. त्याचबरोबर नगर‎ तालुका महिला माहेश्वरी संघटनेच्या‎ अध्यक्षपदी गीता गिल्डा यांची निवड‎ झाली.‎

यावेळी राजस्थानी महिला‎ मंडळाच्या अध्यक्ष निर्मला बंग,‎ सुरेखा मणियार, अर्चना लड्डा,‎ स्नेहलता सोमाणी, शोभा काकाणी,‎ पूजा गिल्डा, गीतांजली मणियार,‎ कविता काकाणी, गायत्री पल्लोड,‎ संगीता सिकची, नंदा सोमाणी,‎ कविता मंत्री, सारसनगर महिला‎ मंडळाच्या स्वाती नागोरी, उज्ज्वला‎ मालू,नीलमणी गांधी, शोभा झंवर व‎ काविओता मंत्री तसेच अभया‎ नाटकाचे सहाय्यक नीलेश बोडले‎ आदींचा सन्मान या कार्यक्रमात‎ झाला.‎