प्रतिपादन:शहीद जवानांच्या पत्नींचा सन्मान प्रेरणादायी‎

देश स्वातंत्र्यासाठी अनेक‎ क्रांतीवीरांनी प्राणाची आहुती दिली.‎ स्वातंत्र्यानंतर देशाच्या रक्षणाची‎ जबाबदारी आपल्या सैनिकांनी‎ मोठ्या कौशल्याने सांभाळली आहे.‎ देश रक्षणासाठी दुष्मनांशी लढताना‎ वीरगतीस प्राप्त होत आहेत. शहीद‎ दिनानिमित्त शहीद जवानांच्या‎ वीरपत्नींचा व त्यांच्या कुटुंबीयांचा‎ सन्मान करुन रेणुकामाता‎ मल्टीस्टेटने सामाजिक दायित्व‎ जपले आहे. शहीद जवानांच्या‎ पत्नींचा केलेला सन्मान खरोखरच‎ प्रेरणादायी असल्याचे गौरवोद्गार‎ पॅनेल अ‍ॅड. राजमोहन येनगंदुल यांनी‎ काढले.‎ रेणुकामाता मल्टीस्टेट आडते‎‎‎‎‎‎‎‎‎‎‎‎‎‎ बाजार शाखेच्या वतीने ‘शहीद‎ जवान दिना’निमित्त भारतीय सीमेचे‎ रक्षण करताना शहीद झालेल्या वीर‎ जवानांच्या पत्नींचा सन्मान करण्यात‎ आला. याप्रसंगी अ‍ॅड. राजमोहन‎ येनगंदुल, वीरपत्नी गंगूबाई खाकाळ,‎‎‎‎‎‎‎‎‎‎‎‎‎‎ सुरेखा ठाणगे, माजी सैनिक‎ नंदकुमार गुंड, शाखा व्यवस्थापक‎ दत्तात्रेय अंकम, प्रिया कसबे, सतीश‎ उरणकर आदी उपस्थित होते.‎

प्रास्तविकात शाखा व्यवस्थापक‎ दत्तात्रेय अंकम यांनी संस्थेच्या‎‎‎‎‎‎‎‎‎‎‎‎‎‎ विविध सेवा-सुविधा, ठेवी,‎ कर्जविषयक माहिती दिली. संस्थेचे‎ चेअरमन प्रशांत भालेराव यांच्या‎ मार्गदर्शनाखाली संस्थेच्या वतीने‎ विविध सामाजिक उपक्रमांचे‎ आयोजन करण्यात येत असल्याचे‎ सांगितले. या वेळी वीरपत्नी गंगूबाई‎ खाकाळ यांनी मनोगतातून सांगितले,‎ की लग्नापूर्वी मला कळले की, हे‎ फौजीमध्ये आहे, तेव्हा युनिफॉर्ममुळे‎ आपुलकी वाटली.

आमचे‎ दिवाळी-दसरा हे सण कॅलेंडरप्रमाणे‎ नव्हे, तर जेव्हा सुटीवर घरी येतात,‎ तेव्हा साजरे करतो. पुढील सात जन्म‎ फौजीबरोबरच लग्न करीन.‎ सुरेखा ठाणगे यांनीही आपले‎ मनोगत व्यक्त केले. नंदकुमार गुंड‎ यांनीही सीमेवर लढतांना अनेक‎ प्रसंगाना तोंड देतांना आलेले‎ थरारक अनुभव कथन केले.‎ सूत्रसंचालन सचिन राठोड यांनी,‎ सतीश उरणकर यांनी आभार‎ मानले. कार्यक्रमासाठी प्रिया कसबे,‎ अजहर सय्यद व कर्मचाऱ्यांनी‎ परिश्रम घेतले.‎