सदिच्छा भेट:नावीन्यपूर्ण प्रयोग करून उत्पन्न वाढवावे‎

भारत देशात सुगंधी वनस्पतीचे‎ लागवडीखालील क्षेत्र कमी आहे. साधारण‎ दरवर्षी २०० मेट्रिक टन सुगंधी तेलाची आयात‎ करावी लागते. त्यामुळे सुगंधी वनस्पती‎ जिरेनियम लागवडीसाठी शेतकऱ्यांना मोठी‎ संधी आहे. शेतकऱ्यांनी नाविन्यपूर्ण प्रयोग‎ करून आपले उत्पन्न वाढवावे, असे प्रतिपादन‎ राज्य कृषी आयुक्त सुनील चव्हाण यांनी केले.‎

कृषी विभागाच्या मार्गदर्शनाखाली देहरे‎ येथील जिरेनियम सुगंधी वनस्पती लागवड व‎ प्रक्रिया उद्योगास, तसेच राज्य पुरस्कृत गळित‎ धान्य उत्पादन व मूल्य साखळी संवर्धन अंतर्गत‎ गोरक्षनाथ शेतकरी गटास चव्हाण यांनी भेट‎ दिली. यावेळी ते बोलत होते. याप्रसंगी पद्मश्री‎ डॉ. पोपटराव पवार, जिल्हा अधीक्षक कृषी‎ अधिकारी शिवाजी जगताप, कृषी उपसंचालक‎ रवींद्र माने, उपविभागीय कृषी अधिकारी‎ गहिनीनाथ कापसे, ‘आत्मा''चे कृषी‎ उपसंचालक राजाराम गायकवाड, जिल्हा‎ परिषदेचे कृषी विकास अधिकारी शंकर किरवे,‎ तालुका कृषी अधिकारी पोपटराव नवले, मंडळ‎ कृषी अधिकारी रवींद्र माळी, कृषी पर्यवेक्षक‎ विजय सोमवंशी, सरपंच हिराबाई करांडे,‎ पंचायत समिती सदस्य व्ही. डी. काळे, विठ्ठल‎ पठारे, संजय काळे, विजय लांडगे, शेतकरी बी.‎ जी. लांडगे, रघुनाथ करांडे, उज्ज्वला काळे,‎ प्रवीण करांडे, सोमनाथ काळे, कृषी सहाय्यक‎ कविता मदने, सुनीता गिरी, अभिजीत डुकरे‎ आदी उपस्थित होते.‎

श्री. चव्हाण म्हणाले, बदलत्या हवामानामुळे‎ वातावरणात जिरेनियमच्या पिकाची लागवड‎ फायदेशीर ठरते. हमी भावात खरेदी असल्याने‎‎‎‎‎‎‎‎‎‎‎‎‎‎‎‎ या पिकाचे शाश्वत चांगले उत्पादन मिळते.‎ त्यामुळे शेतकऱ्यांनी या पिकाच्या लागवडीकडे‎ वळावे, असे ते म्हणाले. शिवाजी जगताप‎ म्हणाले, २०१७ मध्ये कृषी विभागांतर्गत कृषी‎ अभ्यासदौरा आयोजित करून शेतकऱ्यांना‎ सातारा येथील जिरेनियमची शेती दाखविण्यात‎ आली. यातून विक्रम काळे यांना प्रोत्साहन‎ मिळाले. कृषी विभागाने त्यांना वेळोवेळी‎ मार्गदर्शन केले.

शेतकऱ्यांनी वैभव काळे यांचा‎ आदर्श घेऊन जिरेनियमची लागवड करावी.‎ शेतकरी वैभव काळे म्हणाले, गादी वाफ्यात‎ लागवडीऐवजी ४ फुटी बेड तयार करून बेडवर‎ १ फुटावर रोपांची लागवड केली. एका एकरास‎ जवळपास १० हजार रुपये खर्च आला.‎ साधारण ४ महिन्यांत पीक कापणीसाठी आले.‎ एका कापणीत साधारण १० ते १५ मेट्रिक टन‎ उत्पादन मिळते. त्यापासून ३० ते ४० लिटर तेल‎ मिळते. एका एकर क्षेत्रासाठी लागवडीसह ४०‎ ते ५० हजार रुपये खर्च येतो.‎