मूर्तीची प्रतिष्ठापना‎:नेवासे बुद्रूक येथे श्रीविश्वेश्वर‎ नाथबाबा मूर्तीची प्रतिष्ठापना‎

‎ नेवासे बुद्रूक येथे विश्वेश्वर‎ श्रीनाथबाबांच्या मूर्तीची प्राणप्रतिष्ठा‎ गुरुवर्य भास्करगिरी बाबांच्या हस्ते व‎ संत महंतांच्या उपस्थितीत‎ वेदमंत्राच्या जयघोषात‎ प्राणप्रतिष्ठापना करण्यात आली.‎ या प्रसंगी श्रीसंत ज्ञानेश्वर‎ महाराज मंदिराचे प्रमुख शिवाजी‎ महाराज देशमुख, श्रीराम साधना‎ आश्रमाचे सुनीलगिरी महाराज,‎ त्रिवेणीश्वर देवस्थानचे‎ श्रीरमेशानंदगिरी महाराज, मुक्ताई‎ देवस्थानचे श्रीगोपालानंदगिरी‎ महाराज, मध्यमेश्वर देवस्थानचे‎ बालयोगी ऋषिनाथजी महाराज,‎ कोंडीराम महाराज पेचे, बाळकृष्ण‎ महाराज कानडे, मंदिर पुजारी‎ ज्ञानेश्वर सुरोशे, मंदिर विश्वस्त‎ मंडळाचे मार्गदर्शक ज्ञाननाथ‎ जायगुडे, अण्णाभाऊ पेचे, प्रभाकर‎ जायगुडे, बाळासाहेब जायगुडे,‎ भानुदास रेडे, माजी सरपंच बाबा‎ कांगुणे, लक्ष्मीनारायण महाराज‎ जोंधळे आदी उपस्थित होते.‎‎‎‎‎‎‎‎‎‎‎‎

यानिमित्त निघालेल्या मिरवणुकीत‎ अग्रभागी घोडेस्वार, त्यामागे‎ छत्रपती शिवाजी महाराजांची मूर्ती‎ व नाथबाबांची प्रतिमा व पादुका‎ सजवण्यात आलेल्या रथात‎ दर्शनासाठी ठेवण्यात आल्या होत्या.‎ या पालखी रथातील पादुकांचे‎ सुवासिनींनी दर्शन घेतले. होमहवन‎ कार्यक्रमाची सांगता गुरुवर्य‎ भास्करगिरी महाराज यांच्या हस्ते‎ होम कुंडात श्रीफळ अर्पण करून‎ पूर्णाहुती देऊन करण्यात आली.‎ पौरोहित्य भेंडे येथील आचार्य‎ गणेशदेवा गुरू व ब्रम्हवृंद मंडळींनी‎ केले. उपस्थित भाविकांना नेवासे‎‎‎‎‎‎‎‎‎‎‎‎ बुद्रूकचे मूळ रहिवासी व पुणे येथील‎ सेवेकरी रवींद्र मुनोत यांच्या वतीने‎ महाप्रसादाचे वाटप करण्यात आले.‎ विश्वेश्वर नाथबाबा उजैनहून नेवासे‎ बुद्रुक येथे आले. अमृतवाहिनी‎ प्रवरामाई परिसर पाहून ते येथेच‎ स्थिरावले. पदयात्रा करत असताना‎ शिर्डीचे साईबाबांचा सहवास त्यांना‎ येथे लाभला म्हणून ते साईबाबांचे‎ गुरुबंधू होते. देवगडचे श्रीसमर्थ‎ सदगुरू किसनगिरी बाबांनी‎ नाथबाबांना गुरू केले होते. याच‎ क्षेत्री राहून नाथबाबांनी येथेच‎ तपश्चर्या केली. समाधीही घेतली‎ असा महिमा आहे.‎