निर्देश:संपावर जाणाऱ्यांना नोटीसा‎ काढा : जिल्हाधिकारी‎

जुन्या पेन्शन योजनेच्या मागणीसाठी‎ शासकीय कर्मचारी मंगळवारपासून‎ ( १४ मार्च) संपावर जाणार आहेत.‎ संप काळात अत्यावश्यक सेवा‎ नियमित सुरू राहील, याची दक्षता‎ घेण्याचे निर्देश जिल्हाधिकारी‎ सिद्धाराम सालीमठ यांनी दिले.‎ दरम्यान, संपावर जाणाऱ्या‎ कर्मचाऱ्यास कार्यालयाकडून‎ ‘कारणे दाखवा’ नोटीस बजावण्यात‎ याव्यात.‎ जिल्हाधिकारी कार्यालयाच्या‎ सभागृहात संपाच्या पार्श्वभूमीवर‎ सोमवारी सर्व विभागप्रमुखांच्या‎ आढावा बैठकीत सालीमठ बोलत‎ होते. ते म्हणाले, कर्मचाऱ्यांनी संपात‎ सहभागी न होता, नेहमीप्रमाणे‎ कार्यालयात उपस्थित राहण्यासाठी‎ त्यांचे मन वळवण्याचा प्रयत्न‎ करावा.

संप काळात कार्यालये‎ नियमित वेळेवर उघडण्याची व बंद‎ करण्याची व्यवस्था जबाबदार‎ अधिकाऱ्यांकडे द्यावी. आवश्यकता‎ भासल्यास गृहरक्षक, पोलिस‎ दलाची मदत घ्या , असे निर्देश‎ जिल्हाधिकारी सालीमठ यांनी दिले.‎ परीक्षेत अडथळा येऊ देऊ नका‎ सध्या दहावी-बारावीच्या परीक्षा‎ सुरू असून, त्यात अडथळा येऊ‎ नये, यासाठी शिक्षण विभागाने‎ पर्यायी मनुष्यबळ उपलब्ध करावे.‎ विभागप्रमुखांनी कर्मचाऱ्यांना रजा‎ मंजूर करू नये. जनतेला सेवा‎ मिळण्यात अडचण निर्माण होणार‎ नाही, याची काळजी घेण्याची‎ सूचना जिल्हाधिकाऱ्यांनी केल्या.‎