शैक्षणिक:आधुनिक शिक्षणासोबतच ऐतिहासिक शिक्षण मिळणे गरजेचे‎

विद्यार्थ्यांना आधुनिक‎ शिक्षणाबरोबरच ऐतिहासिक व‎ धार्मिक शिक्षण मिळणे गरजेचे‎ आहे. त्यामुळे विद्यार्थ्यांमध्ये जागृती‎ निर्माण होऊन त्यांच्या ज्ञानात भर‎ पडेल. पुरात्न काळात समाजाच्या व‎ धर्माचा इतिहास व त्याची रचना‎ सोयी सुविधा ही आज्या पेक्षाही‎ त्याकाळी प्रगत होती.‎ त्यामुळे त्यांना या सर्व बाबींची‎ माहिती असल्यास सध्या‎ समाजामध्ये उद्भवणारे धार्मिक व‎ सामाजिक समस्या मोठ्या प्रमाणात‎ कमी होतील. व समाजात एकोपा‎ नांदेल, असे प्रतिपादन जागतिक‎ दर्जाचे नाआत ख्वाह दानीश दावर‎ यांनी केले.‎

बुऱ्हानगर येथील अली पब्लिक‎ स्कूलचे स्नेहसंमेलन सिटी लाॅन येथे‎ आयोजित केले होते. यावेळी प्रमुख‎ पाहुणे म्हणून दावर, राष्ट्रीय उलमा‎ कौन्सिलचे अध्यक्ष मौलाना आमीर‎ रश्दी, अब्दुल रशीद, मिफताही‎ साहब, प्रबोधनात्मक व्याख्याते‎ इरफान सय्यद बाळासाहेब‎ शिवसेनेचे अल्पसंख्याक विभागाचे‎ प्रदेशाध्यक्ष, हुजैफा आमीर रश्दी -‎ अलीगढ मुस्लिम विद्यापीठाचे‎ विद्यार्थी विभागाचे सचिव, गुलाम‎ नबी शेख- महाराष्ट्र शासनाचे‎ औषधी विभागाचे एसडीओ काझी,‎ पुणेचे सामाजिक कार्यकर्ते इरशाद‎ शेख आदी उपस्थित होते.‎

या कार्यक्रमात मुलांनी‎ सामाजिक, धार्मिक, राष्ट्रीय,‎ देशभक्ती अशा अनेक विषयावर‎ नाट्य सादर केले. व उपस्थितांची‎ मने जिंकली. प्रास्ताविक करताना‎ अन्जर अन्वर खान म्हणाले, लहान‎ मुलांना त्यांच्या प्राथमिक‎ शिक्षणापासूनच समाजातील‎ घडणाऱ्या चांगल्या व वाईट‎ गोष्टीमुळे होणाऱ्या परिणामांची‎ माहिती दिल्यास व आपली मुलं‎ तंत्रज्ञानाचे नावाखाली काय करत‎ आहे याकडे पालकांनी लक्ष दिले‎ पाहिजे. जेणेकरून विद्यार्थी‎ चुकीच्या मार्गाने जाणार नाही याची‎ खात्री राहील असे नमूद केले.‎ सूत्रसंचालन हाफिज़ असरार यांनी,‎ तर आभार मोहम्मद अली खान व‎ मोहम्मद अनस क़ुरेशी यांनी मानले.‎