उत्तम शैक्षणिक गुणवत्ता:साई एंजल्स संस्कार मंदिर म्हणून नावारूपाला येईल‎

दर्जेदार आणि उत्तम शैक्षणिक गुणवत्तेसह‎ विद्यार्थ्यांच्या व्यक्तिमत्त्वामध्ये बदल घडवत‎ त्यांना आयुष्यामध्ये संस्कारक्षम आणि यशस्वी‎ बनवण्यासाठी परिश्रम घेणारे ''साई एंजल्स‎ इंटरनॅशनल स्कूल'' भविष्यामध्ये संस्कार मंदिर‎ म्हणूनच नावारूपाला येईल, असा विश्वास‎ प्रख्यात लेखक व विचारवंत रवींद्र तथा राजाभाऊ‎ मुळे यांनी व्यक्त केला.‎

साई एंजल्सच्या स्नेहसंमेलन व पारितोषिक‎ वितरण समारंभात प्रमुख पाहुणे म्हणून ते बोलत होते.‎ अध्यक्षस्थानी संस्थेचे मुख्य विश्वस्त डॉ. राकेश‎ गांधी होते. संस्थेचे विश्वस्त विजय निकम, दैनिक‎ दिव्य मराठीचे ब्युराे चिफ अनिरुध्द देवचक्के, किशोर‎ निर्मळ, लताताई करपे, अमित कोठारी, श्वेता‎ कोठारी, डॉ. प्रियन जुनागडे, डॉ. रोहित फुलवर, डॉ.‎ संकेत सारडा, डॉ. सुनील आवारे, डॉ. विनायक शिंदे,‎ डॉ. प्रितेष कटारिया, डॉ. योगेश बाफना, सीए नितेश‎ गुगळे, अभय कटारिया, सुशील जैन, महेश भळगट,‎ शामली भांगे, योगेश बेल्हेकर आदी उपस्थित होते.‎‎‎‎‎‎‎‎‎‎‎‎‎‎

अनिरुध्द देवचक्के म्हणाले, वेगाने विकसित‎ होणाऱ्या नव्या अत्याधुनिक जगात माणसाच्या‎ जगण्याच्या पद्धतीही बदलत चालल्या आहेत. या‎ नव्या जगाशी अनुरूप असे सर्वांगीण शिक्षण आणि‎ व्यक्तिमत्त्वाचा परिपूर्ण विकास करण्याचे उद्दिष्ट‎ नजरेसमोर ठेवूनच साई एंजल्सची वाटचाल सुरू‎ आहे. मुलांसाठी शिक्षण आनंददायी ठरावे आणि‎ पालकांनाही त्यांचे आनंददायी पालकत्व समाधानाने‎ निभावता यावं, यासाठीच नव्या व्यवस्थापनाकडून‎ पुढील शैक्षणिक वर्षांत विविध उपक्रम हाती घेतले‎‎‎‎‎‎‎‎‎‎‎‎‎‎ जातील. त्यातून एक प्रगत आणि आश्वासक पिढी‎ आकाराला येईल.

गुणदर्शनच्या कार्यक्रमात इयत्ता‎ पहिली ते दहावीच्या विद्यार्थ्यांनी सादर केलेल्या कला‎ दर्शनाच्या कार्यक्रमाला पालकांनी दाद दिली. डॉ.‎ राकेश गांधी यांनी विद्यार्थ्यांच्या प्रगतीसाठी आवश्यक‎ त्या सर्व सोयीसुविधा व्यवस्थापनाकडून उपलब्ध‎ करून देण्याचे आश्वासन दिले. अहवाल वाचन‎ प्राचार्य नॅन्सी कोल यांनी, सूत्रसंचालन ॲड. गणेश‎ शेंडगे यांनी , तर आभार डॉ. आशिष भंडारी यांनी‎ मानले.‎

साई एंजल्स इंटरनॅशनल स्कूलच्या स्नेहसंमेलन व पारितोषिक वितरण समारंभाचे उद्घाटन करताना राजाभाऊ‎ मुळे. समवेत डॉ. राकेश गांधी, विजय निकम, अनिरुद्ध देवचक्के, किशोर निर्मळ, लताताई कर्पे, अमित‎ कोठारी, शिल्पा कोठारी, डॉ. प्रियन जुनागडे आदी. छाया : समीर मन्यार‎