मिरवणूक:जानुबाईची यात्रा उत्साहात साजरी‎

तालुक्यातील रुईखेल येथील‎ ग्रामदैवत जानुबाईची यात्रा मोठ्या‎ उत्साहात पार पडली. यात्रेनिमित्त‎ विविध कार्यक्रमांचे आयोजन‎ करण्यात आले होते.‎ पैठणहून आणलेल्या कावडीची‎ सकाळी ८ वाजता गावातून‎ मिरवणूक काढण्यात आली. त्यात‎ गुलालाची उधळण, फटाक्यांची‎ आतषबाजी अन् डीजेच्या तालावर‎ आबालवृद्धांनी ठेका धरला. त्यानंतर‎ मंदिरात कावडी आणल्यावर तेथे‎ देवीची आरती करण्यात आली.‎

आरतीनंतर उपस्थित ग्रामस्थांना‎ कारभारी गरड, अशोक गरड व‎ संपत गरड यांच्यातर्फे महाप्रसादाचे‎ वाटप करण्यात आले.‎ यात्रेनिमित्त मंदिर परिसरात‎ विविध दुकाने थाटली होती.‎ लहानग्या चिमुकल्यांनी पाळण्यात‎ बसण्याचा आनंद लूटला.‎ कामानिमित्त बाहेरगावी स्थायिक‎‎‎‎‎‎‎‎‎‎‎‎‎ झालेले अनेक जण यात्रेनिमित्त गावी‎ आले होते.

जुन्या मित्रांच्या भेटी‎ झाल्यावर अनेक जण आठवणींमध्ये‎ रमून गेले.‎ जानूबाई देवीच्या दर्शनासाठी‎ परिसरातील गावांतून मोठ्या संख्येने‎ भाविक येत होते. त्यामुळे रात्री‎ उशिरापर्यंत मंदिरात देवीच्या‎ दर्शनासाठी भाविकांची गर्दी होती.‎ दुपारी २ ते रात्री आठ वाजेपर्यंत‎ देवीच्या सवाष्णी व रात्री देवीची‎ पालखी निघाली. रात्री ९ वाजता‎‎‎‎‎‎‎‎‎‎‎‎‎ अवघ्या ९ वर्षांचा बालकीर्तनकार‎ माऊली महाराज जाहुरकर यांचे‎ कीर्तन झाले. त्यानंतर आराद्याची‎ गाणे व अन्य पारंपरिक कार्यक्रम‎ झाले.‎ यात्रेचे नियोजन सुरेश महाडीक,‎ सुभाष काळोखे, दत्तात्रेय जगदाळे,‎ दादासाहेब काळोखे, उपसरपंच‎ आजिनाथ नागवडे, संजय महांडुळे,‎ सिद्धेश्वर काळोखे, नानाभाऊ‎ काळोखे, धनंजय काळोखे व‎ शिवक्रांती ग्रूप आदींनी केले.‎