धार्मिक‎ कार्यक्रम:आगडगावात काळ भैरवनाथ‎ जन्मोत्सवानिमित्त कार्यक्रम‎

नगर तालुक्यातील आगडगाव‎ येथे काळ भैरवनाथ‎ देवस्थानाजवळ भैरवनाथ ‎जन्मोत्सवानिमित्त विविध‎ कार्यक्रम होणार आहेत. बुधवारी ‎(१६ नोव्हेंबर) रात्री १२ वाजता मुख्य जन्मसोहळा होणार आहे.‎ या दिवशी दिवसभर महाप्रसाद‎ सुरू राहणार असल्याचे‎ देवस्थान ट्रस्टच्या वतीने‎ सांगण्यात आले.‎ काळ भैरवनाथांच्या‎ दर्शनासाठी भैरवनाथ जन्मोत्सव‎ ही वर्षातील महत्त्वाची पर्वणी‎ असते. या दिवशी जिल्ह्यातूनच‎ नव्हे, तर राज्यभरातून भाविक‎ येतात. बुधवारी दुपारी‎ महाआरती, रात्री कावडीच्या‎ पाण्याने नाथांना जलाभिषेक,‎ रात्री महाआरती असे धार्मिक‎ कार्यक्रम होतील.

या‎ उत्सवानिमित्त सुरू असलेल्या‎ सप्ताहातील बाळू गिरगावकर‎ महाराजांचे कीर्तन होणार आहे.‎ या वेळी खासदार डॉ. सुजय‎ विखे पाटील, आमदार बबनराव‎ पाचपुते, संग्राम जगताप व‎‎ नीलेश लंके तसेच मान्यवर‎ उपस्थित राहतील.

रात्री‎ जलाभिषेक माजी मंत्री शिवाजी‎ कर्डिले, आॅस्ट्रेलियातील भाविक‎ राकेशकुमार, मेरठ येथील कपील‎ शर्मा, पुणे येथील व्यंटकेश राव‎ आदींच्या उपस्थितीत होणार आहे.‎ दरम्यान, सात दिवस‎ काशिखंड पारायण सुरू आहे.‎ रोज सायंकाळी कीर्तन होत‎ आहे. संतोष वनवे, म्हतारदेव‎ आठरे, बालकीर्तनकार चैतन्य‎ राऊत, उद्धव उगले, पंकज थोरे,‎ पुरुषोत्तम पाटील आदी‎ महाराजांची कीर्तन होत आहे. या‎ सप्ताहाची सांगता गुरुवारी (१७‎ नोव्हेंबर) सकाळी १० वाजता‎ समाधान भोजेकर महाराजांच्या‎ कीर्तनाने होणार आहे.‎