निवडणुक:जिल्हा सहकारी बँकेच्या अध्यक्षपदी कर्डिले विजयी‎

आशिया खंडातील सर्वात मोठी‎ सहकारी बँक म्हणून ओळख‎ असलेल्या अहमदनगर जिल्हा‎ मध्यवर्ती सहकारी बँकेच्या‎ अध्यक्षपदाच्या बुधवारी (८ मार्च)‎ झालेल्या निवडणुकीत भाजपचे‎ माजी मंत्री शिवाजी कर्डिले हे विजयी‎ झाले. या निवडणुकीत भाजपने‎ राष्ट्रवादी, अर्थात महाविकास‎ आघाडीला धक्का दिला.‎ अहमदनगर जिल्हा सहकारी‎ बँकेचे तत्कालिन अध्यक्ष उदय‎ शेळके यांचे ११ फेब्रुवारी रोजी मुंबईत‎ दीर्घ आजाराने निधन झाले.

त्यांच्या‎ निधनानंतर रिक्त झालेल्या‎‎‎‎‎‎‎‎‎‎‎‎‎‎‎‎‎ अध्यक्षपदाच्या निवडीसाठी बुधवारी‎ निवडणूक प्रक्रिया पार पडली. जिल्हा‎ उपनिबंधक (सहकार) गणेश पुरी‎ यांनी निवडणूक निर्णय अधिकारी‎ म्हणून काम पाहिले. अध्यक्षपदासाठी‎‎‎‎‎‎‎‎‎‎‎‎‎‎‎‎‎ भाजपकडून शिवाजी कर्डिले, तर‎ राष्ट्रवादी (महाविकास‎ आघाडी)कडून माजी आमदार‎ चंद्रशेखर घुले रिंगणात होते. या‎ निवडणुकीत जिल्हा बँकेच्या २०‎‎‎‎‎‎‎‎‎‎‎‎‎‎‎‎‎ सदस्यांनी मतदानाचा हक्क‎ बजावला.‎ माजी मंत्री शिवाजी कर्डिले यांना‎ १० मते मिळाली, तर चंद्रशेखर घुले‎ यांना ९ मते मिळाली. एक मत बाद‎ ठरले. सर्वाधिक १० मते मिळवणाऱ्या‎ कर्डिले यांना निवडणूक निर्णय‎ अधिकाऱ्यांनी विजयी घोषीत केले.‎

शिवाजी कर्डिले हे भाजपचे अर्थात‎ विखे गटाचे म्हणून ओळखले‎ जातात, तर चंद्रशेखर घुले हे‎ राष्ट्रवादीचे आहेत. महाविकास‎ आघाडीकडून घुले अध्यक्षपदाच्या‎ रिंगणात होते. आमदार आशुतोष‎ काळे यांचे चंद्रशेखर घुले हे सासरे‎ आहेत.‎ जिल्हा सहकारी बँक‎ अध्यक्षपदाच्या निवडणुकीच्या‎ पार्श्वभूमीवर मंगळवारी विरोधी‎ पक्षनेते अजित पवार यांनी नगरमध्ये‎ बैठक घेऊन चर्चा केली होती.‎ अध्यक्षपद राष्ट्रवादीकडे यावे,‎ यासाठी राष्ट्रवादीने जोरदार‎ मोर्चेबांधणी केली होती. मात्र,‎ अध्यक्षपद खेचून आणण्यात भाजप,‎ अर्थात विखे गट यशस्वी ठरला आहे.‎

घुलेंचा पराभव जिव्हारी‎
जिल्हा बँकेच्या २०२० मध्ये झालेल्या‎ निवडणुकीत २१ संचालकांपैकी‎ राष्ट्रवादीकडे १०, काँग्रेसकडे ४,‎ भाजप ६, शिवसेना १ असे पक्षीय‎ बलाबल होते. त्यामुळे बँकेचे‎ अध्यक्षपद राष्ट्रवादीकडे, तर‎ उपाध्यक्षपद काँग्रेसकडे गेले होते.‎ महाविकास आघाडी म्हणून‎ राष्ट्रवादीकडे १४मते असतानाही‎ उमेदवार माजी आमदार चंद्रशेखर‎ घुले यांना पराभव पत्करावा लागला.‎ घुले यांचा हा पराभव राष्ट्रवादीच्या‎ जिव्हारी लागला आहे.‎