सुविधा:शहरातील काटवन खंडोबा रस्ता कामातील अडथळे दूर‎

आयुर्वेद कॉर्नर ते आगरकर मळा या‎ काटवन खंडोबा रस्त्याच्या कामाचा‎ प्रश्न अखेर मार्गी लागला आहे.‎ आमदार संग्राम जगताप यांच्या‎ प्रयत्नातून या रस्त्याचे रुंदीकरण,‎ मजबुतीकरण व काँक्रीटीकरण, तसेच‎ पुलाच्या कामासाठी सुमारे साडेआठ‎ कोटी रुपयांचा निधी शासनामार्फत‎ मंजूर झाला आहे. या कामाच्या‎ प्रशासकीय मान्यतेमधील अडथळा दूर‎ झाला असून, लवकरच या कामाची‎ निविदा प्रसिद्ध होणार आहे.‎ दरम्यान, साडेसहा कोटी रुपयांच्या‎ कानडे मळा परिसरातील रस्त्याच्या‎ कामालाही मान्यता मिळाली आहे.‎‎‎‎‎‎‎‎‎‎‎‎‎‎‎‎ त्यामुळे आमदार जगताप यांच्या‎ पाठपुराव्याला यश येऊन १४.९२ कोटी‎‎‎‎‎‎‎‎‎‎‎‎‎‎‎‎ रुपयांची कामे येत्या काळात मार्गी‎ लागणार आहेत.‎‎‎‎‎‎‎‎‎‎‎‎‎‎‎‎ गेल्या अनेक वर्षांपासून काटवन‎ खंडोबा रस्त्याची मोठी दुरवस्था झाली‎‎‎‎‎‎‎‎‎‎‎‎‎‎‎‎ आहे.

नगर शहर ते आगरकर मळा‎ परिसराला जोडणारा हा प्रमुख पर्यायी‎ रस्ता आहे. आमदार जगताप यांनी‎ पाठपुरावा करून काटवन खंडोबा‎ रस्त्याच्या कामासाठी व या रस्त्यावरील‎ पुलाच्या कामासाठी सुमारे साडेआठ‎ कोटींचा निधी उपलब्ध करुन घेतला‎ होता. मात्र, प्रशासकीय मान्यता‎ मिळाली नसल्याने काम रखडले होते.‎ आता या कामाला प्रशासकीय मान्यता‎ मिळाली आहे. या रस्त्याच्या कामामुळे‎ अनेक वर्षांपासून रखडलेला प्रश्न‎ मार्गी लागणार आहे. दरम्यान,‎ सोलापूर रोड व कोंबडीवाला मळा‎ परिसरातील मुख्य रस्त्यासाठी‎ साडेसहा कोटी रुपयांचा निधी उपलब्ध‎ झाला आहे. त्याचीही प्रशासकीय‎ मान्यता मिळाल्याने या रस्त्याचे काम‎ मार्गी लागणार आहे.‎ नगर शहर ते आगरकर मळा परिसराला जोडणाऱ्या काटवन खंडोबा‎ रस्त्याची सध्याची परिस्थिती.‎

राजकीय विरोधामुळे चार‎ महिने विलंब‎विकासकामांत राजकीय खोडा‎ घातला जात असल्याने अनेक कामे‎ रखडतात. या दोन्ही रस्त्यांच्या कामांना‎ पाच ते सहा महिन्यांपूर्वीच निधी‎ उपलब्ध झाला होता. मात्र, राजकीय‎ हस्तक्षेप व विरोधामुळे प्रशासकीय‎ मान्यता मिळण्यास चार महिने विलंब‎ झाला. आता या कामांना मान्यता‎ मिळाली अाहे. लवकरच ती मार्गी‎ लागतील.‎ - संग्राम जगताप, आमदार, नगर शहर‎

पर्यायी रस्ते विकसित होणार‎हॉटेल कॅफे फरहत ते कानडे मळा‎ रस्ता व सीताबन लॉन रस्ता‎ काँक्रिटीकरणास निधी मंजूर झाला‎ आहे. यापूर्वी कानडे मळा‎ परिसरातील रस्त्याच्या कामासाठी‎ तीन कोटी मंजूर आहेत. या दोन्ही‎ कामामुळे सोलापूर महामार्ग व पुणे‎ महामार्गाला जोडणारा पर्यायी रस्ता‎ उपलब्ध होणार आहे. सारसनगर व‎ कानडे मळा, कोंबडीवाला मळा‎ परिरसातील नागरिकांना मोठी‎ सुविधा उपलब्ध होणार आहे.‎