निवड:मनपा स्थायी समितीचे‎ 18 वे सभापती कवडे‎

महापालिकेच्या स्थायी समितीच्या‎ सभापतिपदासाठी उमेदवारीअर्ज‎ ‎ दाखल‎ ‎ करण्याच्या‎ ‎ अखेरच्या‎ ‎ दिवसापर्यंत‎ ‎ शिवसेनेचे‎ ‎ नगरसेवक‎ ‎ गणेश कवडे‎ यांचा एकच अर्ज दाखल झाल्याने‎ त्यांची बिनविरोध निवड निश्चित‎ झाली आहे. गुरुवारी (२ मार्च)‎ होणाऱ्या विशेष सभेत त्यांच्या‎ निवडीची औपचारिक घोषणा‎ होणार आहे. दरम्यान, महापालिका‎ अस्तित्वात आल्यानंतरचे ते १८ वे‎ सभापती ठरणार आहेत.‎ नगरसेवक कुमारसिंह वाकळे‎ यांनी सदस्य निवडीच्या सभेत‎ सभापती पदासह सदस्यत्वाचाही‎ राजीनामा दिला होता.

त्यामुळे हे पद‎ रिक्त होते. विभागीय आयुक्तांनी २‎ मार्च रोजी निवडणूक जाहीर केली.‎ पीठासन अधिकारी तथा‎ जिल्हाधिकारी सिद्धाराम सालीमठ‎ यांच्या अध्यक्षतेखाली गुरुवारी‎ सभापतिपदासाठी निवडणूक‎ प्रक्रिया पार पडणार आहे.‎ उमेदवारीअर्ज भरण्यासाठी बुधवारी‎ अखेरची मुदत होती. या मुदतीत‎ महाविकास आघाडीच्या वतीने‎ शिवसेना नगरसेवक कवडे यांचाच‎ एकमेव अर्ज दाखल झाला आहे.‎ उमेदवारी अर्ज दाखल करण्याची‎ मुदत संपुष्टात आली आहे.

त्यामुळे‎ कवडे यांची बिनविरोध निवड‎ निश्चित झाली आहे. स्थायी‎ समितीच्या सभेत निवडणूक प्रक्रिया‎ होऊन कवडे यांच्या निवडीची‎ अधिकृत घोषणा होणार आहे.‎ कवडे हे १८ वे सभापती ठरणार‎ असून, वर्षाअखेरीस होऊ‎ घातलेल्या सार्वत्रिक‎ निवडणुकीपर्यंत त्यांचा कार्यकाळ‎ असणार आहे.‎ दरम्यान, सभापती निवडीनंतर‎ आता सभागृहनेताही बदलला‎ जाण्याची शक्यता आहे. हे पद‎ राष्ट्रवादी काँग्रेसला दिले जाणार‎ असून, या पदावर विनीत पाऊलबुधे‎ यांची निवड होण्याची शक्यता‎ आहे.‎