प्रतिपादन‎:अडचणीतून मार्ग काढून‎ पुढे जावू : आमदार थोरात‎

‎स्वतंत्र ग्रामपंचायत झाल्याने‎ ढोलेवाडी गावच्या विकासाला‎ चालना मिळेल. ''सत्ता असो, वा‎ नसो'' विकास कामांचा वेग कायम‎ राखला. अडचणीचा काळ येतो,‎ त्यातून मार्ग काढून पुढे जावू. विजय‎ सत्याचाच असतो, असे प्रतिपादन‎ माजी मंत्री आमदार बाळासाहेब‎ थोरात यांनी केले.‎ ढोले लॉन्स येथे नवीन ढोलेवाडी‎ ग्रामपंचायत स्थापनेच्या लोकार्पण‎ सोहळ्याप्रसंगी आमदार थोरात‎ बोलत होते.

रामायणाचार्य रामराव‎ महाराज ढोक, माजी आमदार डॉ.‎ सुधीर तांबे, आमदार सत्यजित तांबे,‎ दुर्गा तांबे, इंद्रजीत थोरात,‎ आबासाहेब थोरात, प्रतापराव‎ ओहोळ, बाळासाहेब ढोले, नवनाथ‎ अरगडे, रामहरी कातोरे, अभिजीत‎ ढोले, सुधाकर ताजणे, रामनाथ‎ कुऱ्हे, दिलीप पवार यावेळी उपस्थित‎ होते. ‎आमदार थोरात म्हणाले,‎ तालुक्यातील जनतेचे जीवनमान‎ उंचावण्यासाठी आपण सातत्याने‎ काम केले. जनतेनेही कायम प्रेम‎ दिले. गुंजाळवाडी व ढोलेवाडी‎ ग्रामपंचायतसाठी ३४ कोटीची‎ पाणीपुरवठा योजना राबवली. या‎ माध्यमातून दोन्ही गावच्या‎ नागरिकांना पिण्याच्या पाण्याची सोय‎ होणार आहे.

नागरिकांच्या‎ मागणीमुळे ढोलेवाडी ग्रामपंचायत‎ स्वतंत्र केली. आता सर्वांनी गाव‎ विकासासाठी जोमाने काम करावे.‎ विकास कामांच्या पाठीशी उभे‎ राहावे, असे आवाहन त्यांनी केले.‎ आमदार तांबे म्हणाले, आमदार‎ थोरात यांच्या मार्गदर्शनाखाली‎ जिल्हा परिषद सदस्य असताना‎ दोन्ही गावच्या विकासासाठी आपण‎ काम केले. ढोलेवाडी शहरालगत‎ असल्याने व स्वतंत्र ग्रामपंचायत‎ झाल्याने या परिसराचा विकास‎ होईल. प्रास्ताविक थोरात‎ कारखान्याचे संचालक अभिजीत‎ ढोले यांनी केले. सूत्रसंचालन‎ दिलीप पवार यांनी तर सुधाकर‎ ताजने यांनी आभार मानले.‎