आवाहन:स्वतः जगता जगता देश,‎ धर्म अन् कर्मासाठी जगा‎‎

मृत्यू हे सत्य आहे, हे ध्यानात ठेवून‎ जीवन जगताना देशासाठी, धर्मासाठी‎ अन् कर्मासाठी जगा. जगायचंच असेल,‎ तर छत्रपती शिवाजी महाराजांचे जगणं‎ जगा, असे आवाहन सोपान महाराज‎ कन्हेरकर यांनी केले आहे.‎ छत्रपती तरुण मंडळाच्या वतीने‎ सोपान महाराज कन्हेरकर यांच्या‎ व्याख्यानाच्या कार्यक्रमाचे आयोजन‎ जे.टी.एस. हायस्कूलच्या प्रांगणात‎ करण्यात आले होते. अध्यक्षस्थानी‎ मनीष मुथा होते. प्रमुख अतिथी म्हणून‎ राजेश खटोड होते. कन्हेरकर म्हणाले,‎ “या देशात राहायचे असेल, तर‎ ‘भारतमाता की जय’ म्हणावंच लागेल.‎ ‘वंदे मातरम्’ म्हणावेच लागेल. या‎ देशात जन्मलेला प्रत्येक जण हिंदूच‎ आहे. ज्ञानेश्वर माऊलींच्या‎ स्वप्नासारखे जगा, विश्व बंधुत्व ही‎ भावना ठेवा.

आपण आपल्या‎ माता-पित्याचे, या मातीचे, गावाचे,‎ देशाचे देणं लागतो, याचे भान ठेवा.”‎ माता-पित्यांची कमाई मौजमजा‎ करण्यात उधळू नका. स्वतःचे तोंड गोरे‎ करण्याच्या नादात, स्वतःचा स्वार्थ‎‎‎‎‎‎‎‎‎‎‎‎‎ साधण्याच्या नादात आई-वडिलांच्या‎ तोंडाला काळं फासू नका. प्रेम करायचं,‎ तर ते आई-वडीलावर, या देशावर करा.‎ प्रेमाच्या नावाखाली सुरू असलेल्या‎ ‘लव्ह जिहाद’ला बळी पडू नका.‎ तरुणपणात अजाणतेपणाने केलेली एक‎ चूक, तुमचंच काय, पण तुमच्या‎ कुटुंबाचंही भविष्य बरबाद करू शकते,‎ असे ते म्हणाले.‎ कार्यक्रमाचे प्रास्ताविक संस्थापक‎ अध्यक्ष पुरुषोत्तम भराटे यांनी केले.‎ सूत्रसंचालन अभिजीत राका यांनी, तर‎ अध्यक्ष राहुल माळवदे यांनी आभार‎ मानले. कार्यक्रमासाठी अमोल खैरे,‎ रोहित शिंदे, स्वप्नील खैरे, राम भोसले,‎‎‎‎‎‎‎‎‎‎‎‎‎‎‎‎‎‎‎‎‎‎‎‎ विकी माळवदे, निखील पुजारी, किरण‎ माळवदे, शुभम पारखे, अमोल म्हेत्रे,‎ मनोज माळवदे, ओंकार साळूंके‎ आदींनी विशेष प्रयत्न केले.‎
‎
संस्कार व संस्कृती एकाच‎ नाण्याच्या दोन बाजू‎
देवाने विनामूल्य दिलेल्या या देहाचा‎ सदुपयोग करा. आत्मा व परमात्म्याचे‎ मीलन म्हणजे राम आहे. शरीरात राम‎ आहे, तोपर्यंत आपण आहोत. संस्कार व‎ संस्कृती या एकाच नाण्याच्या दोन बाजू‎ आहेत. या दोन्ही बाजू सांभाळल्या‎ पाहिजे, जपल्या पाहिजे.‎