स्नेहसंमेलन:पर्यावरण संवर्धनासाठी जगभर‎ ‘माती वाचवा’ अभियान सुरू‎

आंतरराष्ट्रीय घडामोडी पाहता, केव्हाही‎ पाऊस, बर्फ पडतो. पाणीटंचाई, ढगफुटी,‎ दरडफुटीच्या घटना जगभर वाढल्या‎ आहेत. आंतरराष्ट्रीय पर्यावरणाचा प्रश्‍न‎ उभा राहिला आहे. शेतातील माती नापीक‎ झाली आहे. रासायनिक खतांच्या‎ अतिवापरामुळे जागतिक आरोग्याचा प्रश्‍न‎ उभा राहिला आहे. हे सर्व पर्यावरणातील‎ अचानक बदलामुळे होत आहे. यामुळे‎ ‘माती वाचवा’ अभियान जगभर राबवले‎ जात असून, त्यासाठी जनजागृती केली‎ जात असल्याचे पद्मश्री डॉ. पोपटराव पवार‎ यांनी सांगितले.‎

सावेडीतील महाराष्ट्र पब्लिक स्कूल व‎ महाराष्ट्र कॉलेजच्या वार्षिक‎ स्नेहसंमेलनात विद्यार्थ्यांना मार्गदर्शन‎ करताना पवार बोलत होते. डॉ. पवार यांनी‎ बक्षिसे मिळविलेल्या मुलांचे अभिनंदन‎‎‎‎‎‎‎‎‎‎‎‎‎ करतानाच, ज्यांना बक्षीस मिळाले नाही‎ त्यांनाही प्रोत्साहित केले. महाराष्ट्र पब्लिक‎ स्कूल, महाराष्ट्र कॉलेजच्या विविध‎ खेळात व स्पर्धामध्ये प्राविण्य मिळालेल्या‎ ६० विद्यार्थ्यांना प्रमाणपत्र व मानचिन्ह‎ देऊन पवार यांच्या हस्ते सत्कार करण्यात‎ आला.‎ ते म्हणाले, “आयुष्यात चांगले यश‎‎‎‎‎‎‎‎‎‎‎‎‎ मिळण्यासाठी विद्यार्थ्यांनी भाजीपाला‎ खावा.

‘फास्ट फूड’ न खाता, चांगला‎ भाजीपाला व रोटी असा आहार घ्यावा.‎ योग व प्राणायाम दररोज केल्यास‎ आयुष्यात खूप चांगली प्रगती करता येते.‎ मोठ्या स्थानावर पोहचू शकता येते.”‎ संतुलित आहार व खेळ आणि व्यायाम‎ हेच आरोग्य समस्यांमधून मुक्ती देऊ‎‎‎‎‎‎‎‎‎‎‎‎‎‎ शकतात. महाराष्ट्र पब्लिक स्कूल,‎ महाराष्ट्र कॉलेजने अल्पावधीतच चांगले‎ शिक्षण-प्रशिक्षण देऊन नावलौकिक‎ वाढविल्याचे डॉ. बापूसाहेब कांडेकर‎ म्हणाले. शाळा व महाविद्यालयातील ११०‎ विद्यार्थ्यांनी विविध नृत्य, वादन, ड्रामा व‎ इतर कलाकृती सादर केल्या.‎

यांना मिळाली बक्षिसे‎
क्रिकेट टीम- कॅप्टन जोसेफ वडागळे,‎ कबड्डी विनर टीम- कॅप्टन ओम ठोकळ,‎ मुली - सृष्टी धाकतोडे, खो-खो विनर‎ टीम- कॅप्टन युवराज आढाव आणि‎ साक्षी प्रजापत, गौरव जरे. सायन्स‎ प्रकल्प प्रदर्शन : जान्वी कुऱ्हे व इफ्रा‎ सय्यद - रिसायकलिंग पेपर, वैष्णवी‎ तनपुरे - ऑपरेशन लंग्ज, आरुषी सिंग -‎ स्मार्ट सिटी प्रकल्प.‎