गैरप्रकार:महापालिकेतील बोगस टेस्ट रिपोर्ट‎ घोटाळ्याची चौकशी करा : चव्हाण‎

नगर‎ महापालिकेच्या बांधकाम विभागात‎ शासकीय तंत्रनिकेतन महाविद्यालयाच्या नावे‎ साडेचारशे खोटे टेस्ट रिपोर्ट व खोटे थर्ड‎ पार्टी रिपोर्ट दाखल करून घेत त्याच्या‎ आधारे अधिकारी व कर्मचाऱ्यांनी‎ कोट्यवधी रुपयांची बिले काढल्याचे समोर‎ आले आहे.

या प्रकरणात मोठा भ्रष्टाचार‎ झाल्याने मनपा अधिकाऱ्यांऐवजी महसूल‎ विभागातील वरिष्ठ अधिकाऱ्यांमार्फत या‎ प्रकरणाची चौकशी करावी व दोषींवर‎ फौजदारी गुन्हे दाखल करण्याची मागणी‎ काँग्रेसचे प्रदेश सचिव दीप चव्हाण यांनी‎ केली आहे.‎

गैरप्रकाराची चौकशी करा

२०१६ ते २०२० च्या दरम्यान एकूण ४४९‎ कामांच्या बाबतीत बोगस थर्ड पार्टी इन्स्पेक्शन‎ रिपोर्ट उपलब्ध करून कोट्यवधींची बिले‎ काढली आहेत. या गैरप्रकाराबद्दल अतिरिक्त‎ आयुक्त डॉ. प्रदीप पठारे यांच्यामार्फत चौकशी‎ सुरू केल्याचे समोर येत आहे. मात्र, पठारे हे‎ मागील पाच वर्षापासून याच महापालिकेत‎ कार्यरत आहेत. ऑफिस रिपोर्ट व धनादेशावर‎ त्यांची सही घेण्यात आलेली आहे.‎ महापालिकेचा बांधकाम विभाग काही काळ‎ त्यांच्याच नियंत्रणाखाली होता. त्यामुळे‎ त्यांच्या मार्फत चौकशी होऊ शकत नसल्याचे‎ निवेदनात म्हटले आहे.‎